Walk(r)ampf?ADR: Campagne mat falschem Fändel a schlechter Orthografie

Am Norden wéi och am Zentrum huet d'ADR direkt, nodeem si hir Walplakater opgeriicht huet, Kritik missten astiechen.

© Eldoradio
Zanter e Freideg ass de Walkampf offiziell lancéiert an d'ADR wëll ënner anerem mat der Lëtzebuerger Sprooch Campagne maachen. Ma do ass direkt d'Première e bëssen an d'Box gaangen.

Op der enger Säit hu se op engem Plakat, dat, wéi Eldoradio mellt, tëscht Maarnech an Housen steet (oder stoung), einfach emol de Lëtzebuerger Fändel verdréint.



Op der anerer Säit am Zentrum e Plakat, wou d'Partei an engem Saz direkt 5* orthografesch Feeler dran huet.

"Fier d'ADR an de Commissiounen vun der Staat Letzebuerg" amplaz vun "Fir d'ADR an de Kommissioune vun der Stad Lëtzebuerg"

Schreiffeeler ADR


D'Kollege vum Tageblatt hu beim ADR-President Jean Schoos nogefrot, deen de Feeler mam Fändel bei der Dréckerei gesäit, deen awer an e puer Deeg behuewe sollt sinn. Wat elo de Feeler um Plakat am Zentrum géif ugoen, géif do d'Verantwortung bei der Sektioun Zentrum leien.

An dobäi huet d'ADR op Twitter matgedeelt, datt de Fraktiounschef vun der Partei, beim Opriichte vun de Panneauen näischt dem Zoufall iwwerléisst.




E Freideg da konnten, dem Accord vun de Parteien no, déi d'Plakater iwwerall am Land opgestallt an opgehaange ginn, wat och direkt vill Parteie genotzt hunn.

Iwwregens gouf och um Freideg e Panneau opgestallt, wou ee bal gemengt huet, datt d'SPD hei am Walkampf géif matmaachen. D'Fotoen dovunner fannt dir hei.

*Den LOD hëlt Commissioun mat engem "C" net als Alternativ vum Wuert Kommissioun mat "K" un

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.