VIDEO: Op sengem GebuertsdagMotorradsfuerer iwwerraschen de Bryan

De Jong vu 17 Joer lieft mat enger Behënnerung. Fir säi Gebuertsdag gouf him elo vu ville Leit eng grouss Iwwerraschung gemaach.

Iwwer Facebook goufen esouvill wéi méiglech Motorradsfuerer opgeruff, fir bei de Bryan heem ze fueren. De Jong huet nämlech dëse Sonndeg seng 17 Joer gefeiert. All d'Chaufferen, déi dëst fräiwëlleg maachen, wëllen esou dem Bryan, dee passionéiert vu Motorrieder ass, eng grouss Freed maachen. Et waren eng 220 Zweerieder dobäi, dorënner och d'Croix Rouge mat der Equipe Move, hir Secouristen an Infirmieren an d'Protection Civile aus dem Dräilänner-Eck.

Motorradsfuerer iwwerraschen de Bryan (12.09.2018)
De Jong vu 17 Joer lieft mat enger Behënnerung. Fir säi Gebuertsdag gouf him elo vu ville Leit eng grouss Iwwerraschung gemaach.

Hei den Oflaf, wéi Organisatrice en matgedeelt huet:

09:45 Rendez-vous op dem Parking Däichwisen zu Ettelbréck
10:00 Depart op Eeschweller/Wolz*
10:45 - 11:00 Arrivée zu Eeschweller an Treffe mam Bryan a senger Famill.
ca. 11:30-11:45 Depart vum Grupp op Wegdichen bei Wolz. Hei däerf de Bryan op engem Moto mat fueren.
ca. 11:45 - 12:00 Arrivée um Site vum FC Wiltz 71, wou et dann eppes z'iessen an ze drénken gëtt.

*Well eng 150 Motorrieder schonn am Virfeld ugemellt waren, wollt een a méi klenge Gruppe vu ronn 30 Mann fueren, tëscht all Grupp dann en Ofstand vun 2 bis 3 Minutten.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.