Op der ganzer Welt gewisenRat jot Kaz: De Claude Alff iwwert de Succès vu sengem Kultvideo

De Claude Alff war am richtege Moment op der richteger Plaz: Hien huet e Video gedréint an deen ass ronderëm d'Welt gaangen.

Video "Rat jot Kaz": Op der ganzer Welt gewisen (27.11.2018)
De Claude Alff iwwer de Succès vu sengem Kultvideo.
Et mengt ee bal, mir wären beim Tom an Jerry matten am Film gelant, mä déi Zeen ass zu Esch an der Rue Victor Hugo geschitt. Do leeft jo tatsächlech eng Rat enger Katz no an de Claude Alff wor am richtegen Moment op der Plaz an huet dat Ganzt mam Handy gefilmt.

Nodeems de Claude dee Video op sengem YouTube-Kanal publizéiert huet, goung et lass , no enger Woch war säi Clip schonn iwwer eng Millioune Mol gekuckt ginn. Kuerz drop goung et lass mat Uriff aus der ganzer Welt. all Mënsch wollt d'Geschicht iwwerhuelen.

Räich gëtt een dobäi net, mengt de Claude Alff, ma e klengt Täschegeld war do awer schonn dran. Säi Video gouf am ganzen iwwer 14 Millioune mol online gekuckt an op sämtlechen Tëleesstatioune ronderëm de Globus ausgestraalt, zum Beispill am Guatemala, Costa Rica, Philippinnen, Honduras, Ecuador, Dominikanesch Republik, Peru, Chile an net ze vergiessen a ganz Europa.

Eenzegen negativen Aspekt an där ganzer Geschicht, dat ass d'Rumeur, dass d'Rat soll aus engem Kebab gelaf sinn. Dat war awer net de Fall.

 

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.