Haalt d'Loft unD'Helene Fischer an de Florian Silbereisen hu sech getrennt

Kuerz viru Chrëschtdag wäerte vill Leit mat där Nouvelle wuel kuerz "atemlos" sinn: D'Helene Fischer an de Flori Silbereisen sinn net méi zesummen.

Vum Sandy Schmit (RTL.lu)
© AFP
Et ass net eréischt zanter e Mëttwoch, dass d'Koppel vuneneen ass. Deen Dag huet d'Helene Fischer op Facebook hir Trennung vum Florian Silbereisen ëffentlech gemaach. D'Koppel huet sech schonn zanter enger Zäit "glécklech" getrennt. D'Trennung wier no 10 Joer och net einfach esou komm, et war e Prozess, aus deem si allen 2 mat méi Kraaft gaang sinn, esou schreift d'Sängerin an hirem Message.

Weider heescht et am Post nach, dass et och schonn en neie Mann an hirem Liewe gëtt a si doraus och kee Geheimnis mécht.




Zäitgläich huet awer och de Florian Silbereisen sech op Facebook un d'Ëffentlechkeet geriicht a betount, dass hie mam Helene Fischer 10 wonnerbar Jore hat an denne si zesummen erwuesse gi sinn. Ma wéi all Koppel haten och si Héichten an Déiften, ma wéi an de Medien nach iwwer eng méiglech Hochzäit spekuléiert gouf, ware si scho laang getrennt.

Eng Trennung ass ëmmer traureg an och si waren traureg, mä genee wéi seng Ex-Partnerin, schreift och hien, dass ee mëttlerweil "glécklech" getrennt ass. Si wieren elo als Kollegen nach méi enk matenee verbonnen.

Och wéinst Fotoe mam neie Mann un der Helene Fischer hirer Säit, wëll de Sänger kloerstellen, dass hien dee Mann scho méi laang kennt an hien deenen 2 ganz vill Gléck wënscht.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.