Streng gehalKeen Alkohol a Regimm fir de Prënz Harry

De fréiere Party-Prënz ass ewell streng gehal, zanter hie mam Meghan Markle bestuet ass. Seng Fra huet e puer streng Reegelen agefouert.

vum Sandy Schmit (RTL.lu)
© AFP
Zanter de Prënz Harry bestuet ass, ass et roueg ginn. De Prënz, dee soss gär seng Partnerinne gewiesselt, vill gefeiert an och emol een iwwert den Duuscht gedronk huet, ass ewell zum "Stubenhocker" ginn.

Seng Verännerung koum mam Meghan Markle. Fir de Prënz heescht dat, keen Alkohol méi, bal kee Fleesch méi a méi Sport.

Scho ganz am Ufank vun der Schwangerschaft soll d'Meghan hire Mann opgefuerdert hunn, aus Solidaritéit och op den Alkohol ze verzichten. "Wéi "Daily Mail" awer lo méi genee wëll erausfonnt hunn, ass och Kaffi a verschidden Zorten Téi, respektiv Gedrénks mat Koffein, gestrach ginn. De britesche Prënz géif just nach Waasser drénken. Och de "Mirror" huet sou eppes verlaude gelooss. D'Meghan soll hire Prënz dozou iwwerriet kritt hunn, eng Woch laang kee Fleesch z'iessen a Yoga ze maachen, hir léifste Sportaart.

Ganz schlecht soll et dem Prënz Harry dobäi awer net goen, mä hien hätt sech positiv verännert, soe Kollegen. Hie wier méi roueg ginn a souguer e richtege Fan vun deem Liewensstil ginn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.