Eng Valentinsdag-AktiounNenn eng Kakerlak no dengem Ex a verfidder se un Äerdmännercher

En Zoo am amerikanesche Bundesstaat Texas bitt eng méi speziell Valentinsdag-Aktioun un.

Vum Kevin Kayser (RTL.lu)
© AFP (Archiv)
Wie seng Roserei op d'Exfrëndin oder den Exkolleg wëll erausloossen, kritt am "El Paso Zoo" dofir déi perfekt Méiglechkeet. Et gëtt een enger Kakerlak den Numm vum Ex an déi gëtt dann op Vältesdag un d'Äerdmännercher verfiddert. Déi friessen d'Kakerlaken immens gären, esou ze soen als klenge Snack.




Déi ganz Aktioun nennt sech "Quit Bugging me" an et kann een déi ganz Aktioun souguer via Facebook live nokucken. Da gëtt och de ganzen Terrain vun den Äerdmännercher schéin dekoréiert an all d'Nimm vun den Exe ginn opgehaangen.

PS: Mir hunn elo Kakerlak esou geschriwwen, et gëtt awer och Leit, déi Kakerlack soe oder esouguer Kackelak - mir hu verschidde Variante fonnt an hunn eis fir eng mussen entscheeden :-)

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.