Nei Zort vun TherapieMat virtuellen Delfine schwammen ass och gesond

Eng ganz normal Schwämm, mat Plättercher a Chlor dran. Ganz banal u sech, ausser dass hei "Delfinen" ronderëm schwammen: eng wichteg Hëllef fir vill Leit.

Un homme nage avec des lunettes de réalité virtuelle permettant de visionner des films sur les dauphins à Apeldoorn, aux Pays-Bas, le 31 octobre 2017© AFP

Déi Déiere musse physesch net am Waasser sinn, fir ze hëllefen. Wann een nëmmen un Delfinen denkt, geet et heiansdo scho besser. Eng therapeutesch Heelkraaft fir Leit, déi mat engem Handicap liewen oder eng chronesch krank sinn.

Et denkt een u Freed, Gléck, Fräiheet, Liichtsënnegkeet,esou e Responsabel vum Projet "Dolphin Swim Club". Eng aner Manéier, Leit ze heelen an hinnen op d'mannst eng Paus an hirer Krankheet ze garantéieren.

Eng Koppel aus Holland huet laang dru geschafft, fir dëse Projet ze konkretiséieren. Si wëllen all Mënsch d'Chance ginn, d'Magie vun engem Treffe mat engem Delfin erliewen ze kënnen.

Enn 2015 hate se hiren éischte Film iwwer Delfinen erausbruecht, eng Produktioun, déi ee mat engem virtuell-Realitéit-Brëll genéisse kann. Dëst Joer koum eng kleng Revolutioun dobäi: de Film kann een elo och am Waasser kucken. Mat engem speziell fir si gebaute Brëll, deen aus recycléiertem Plastik an engem 3D-Printer gedréckt gouf.

Une femme nage avec des dauphines virtuels dans une piscine à Apeldoorn, aux Pays-Bas, le 31 octobre 2017© AFP

Mat dësem ganz mageschen Taucherbrëll aus Gummi am Gesiicht an d'Schnorchel am Mond kënnen d'Schwëmmer lauter Delfine ronderëm sech am Waasser observéieren. Dat Ganzt natierlech beim Schwammen an engem tropesche Baseng, deen esou waarm ass, wéi d'Waasser an der Karibik. Mat als Hannergrond och Musek fir net komplett aus der realistescher Welt auszewäichen.

Esou een Konzept gëtt et néierens op der Welt an dës Therapie ass nach an der Testphas, mä d'Temoignage  verspriechen elo scho gutt Resultater: net manner wéi 82% vun de Leit, déi dës Experienz ausprobéiert hunn, fille sech tatsächlech méi relaxéiert. Hei gëtt een aus senger eegener, meeschtens negativer Realitéit erausgeholl, fir eppes ze spieren, wat extrem positiv op de Mënsch wierkt.

Aneschters gesinn, aneschters denken, aneschters erliewen: esou kann de Kierper sech och komplett entspanen.

Des lunettes de réalité virtuelle permettant de visionner des films sur les dauphins testés dans une piscine à Apeldoorn, aux Pays-Bas, le 31 octobre 2017© AFP


Eng Fra, déi zanter laangem Schlofproblemer hat, huet mat dëser virtueller Realitéit eng ganz effikass Léisung fonnt. Ee jonke Mann vun 21 Joer huet während dëser "Therapie" och komplett vergiess gehat, dass hie säin Aarm wéinst akuter Péng net méi beweege konnt.

Lunettes de caoutchouc scotchées sur le visage et tuba en bouche, les nageurs peuvent observer des dauphins tournoyer autour d'eux, tout en se laissant flotter dans l'eau d'une piscine aussi chaude que la mer des Caraïbes© AFP


Dës speziell Taucherbrëller goufe mat enger Bourse vun der hollännescher Regierung entwéckelt a gebaut. D'Filmer goufen alleguer 2015 am roude Mier vun enger spezialiséierter Equipe gedréint: Taucher, déi méi laang wéi 5 Minutte laang hiren Otem hale kënnen, hunn esou ganz privilegéiert Biller gedréint, ouni Kaméidi.

Déi éischt Versioun vum Brëll gëtt mëttlerweil schonn vu ronn 150 Universitéiten, Spideeler oder Sozialservicer uechter d'Welt benotzt, wou fir all Fall vun enger Therapie entscheet gëtt, wéi dacks a wéi laang dës Immersioun am Waasser benotzt gëtt.

Eng ganz douce Therapie, déi souwuel fir de Mënsch awer och fir d'Déier gutt ass.