VIDEO - Cebit zu HannoverDéi nei CEBIT 2018: en IT-Business Festival zu Hannover

Vum Volocopter, dem Lofttaxi ouni Chauffeur, bis bei Elektrogefierer dei de Verkéier an d‘Loftqualitéit an de Stied erem sollen verbesseren.

© Violetta Caldarelli

Op der CEBIT,  der gréisster IT-Foire vun der Welt, weisen eng 2.800 Exposanten hir innovativ Produiten. Hei hat och scho de Bill Gates zum Beispill de Betribssystem Windows 95 presentéiert a villäicht ginn et och an dëser Editioun déi Nouveautéite virgestallt, déi d‘Welt vu muer grondleeënd verännere wäerten.

Cebit 2018 (14.06.2018)
Vum Volocopter, dem Lofttaxi ouni Chauffeur, bis bei Elektrogefierer dei de Verkéier an d‘Loftqualitéit an de Stied erem sollen verbesseren!


22 Lëtzebuerger Entreprisen a Start-uppe sinn dobäi
E Méindeg huet d'Cebit zu Hannover erëm hir Dieren opgemaach. Déi renomméiert IT-Foire huet sech dëst Joer eng nei Nues ginn.

Cebit: Lëtzebuerg ass gutt vertrueden (13.06.2018)
Andréck vun der IT-Foire zu Hannover.


Et ass en neit Konzept, dat iwwer d'Presentatioun vun innovative Produiten erausgeet. Dës Editioun sinn et eng 2.800 Exposanten, dorënner och 22 Lëtzebuerger Entreprisen a Start-uppen.

CEBIT 2018 - Violetta Caldarelli



Déi nei Cebit bitt nach méi Konferenzen a ganz vill Networking-Evenementer. Mat dobäi ass dëst Joer och erëm d'Chambre de Commerce. Ënnert den Aussteller: 16 Start-up-Entreprisen. D’Präsenz op dëser grousser internationaler Foire ass wichteg an dofir gouf och am Virfeld näischt dem Zoufall iwwerlooss, sou déi Responsabel vun den Affaires Européenes bei der Chambre de Commerce, d'Sabrina Sagramola. Virun allem Start-up-Entreprisë ginn extra geschoult, fir virun engem Fachpublikum zum Beispill kënnen opzetrieden.

An d'Visibiliteit, déi d'Lëtzebuerger Entreprisë mat hirem Gemeinschaftsstand vun ëmmerhi 400m2 kruten, huet och schonn direkt hir Friichte gedroen. Sou och beim Alain Maveau, Gerant vun enger Start-up fir speziell Drone-Servicer. Hei géifen et souguer schonn Opträg an Afrika a bei der UNO ginn.

© Hauke-Christian Dittrich / dpa / AFP


Donieft waren awer och jonk Visiteuren aus dem Grand-Duché an den Halen ënnerwee, déi nach net, awer geschwënn an d'Beruffswelt wäerte kommen, alles Schülerinnen aus dem Fieldgen, déi hei am Kader vun der Regierungsinitiativ "Digital Luxembourg" op d'Cebit invitéiert goufen.

Ob se wierklech op de Goût kommen a villäicht hir berufflech Zukunft an den neien Technologië gesi, bleift ofzewaarden. Aarbecht gëtt et genuch, zu Lëtzebuerg feelt et nämlech u Spezialisten a Spezialistinnen am ICT-Beräich.

E grousse Reportage en Donneschdeg den Owend am Magazin op RTL Télé Lëtzebuerg.

© Violetta Caldarelli




Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.