NasaStart vu spektakulärer Sonne-Missioun gegléckt

Kuerz virum Countdown e Samschdeg goufen Onreegelméissegkeete constatéiert, dowéinst gouf dësen ofgebrach an op e Sonndeg verluecht.

Um 9.30 Auer eiser Zäit ass d'Rakéit mat der Sond vu Cape Canaveral a Florida gestart.

Kuerz virum éischte geplangte Start e Samschdeg war e Problem mam Drock vum Helium opgedaucht, esou datt de Start ëm 24 Stonnen no hanne verluecht gouf.



Déi onbemannte Sond soll bis op 6,2 Millioune Kilometer Richtung Sonn fléien an Temperature vu ronn 1.370 Grad Celsius aushalen. Si ass esou grouss wéi e Auto a soll op hirer Missioun, déi op 7 Joer ausgeluecht ass, alles an allem 24 Mol duerch d'Corona vun der Sonn fléien - esou nennen Astronomen d'Atmosphär vun der Sonn.



Dobäi soll ënnert anerem eng Äntwert op d'Fro fonnt ginn, firwat an der Corona vun der Sonn Temperature vu bis zu 5,6 Millioune Grad sinn, iwwerdeems d'Uewerfläch vun der Sonn "just" 5.500 Grad waarm ass.

Ausserdeem hoffen d'Fuerscher Erkenntnisser, déi hëllefen, an Zukunft Sonnestierm besser viraussoen ze kënnen, ze kréien.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.