No bal 15 JoerNasa gëtt Mars-Rover Opportunity op

No iwwer 800 Versich, fir de Mars-Rover Opportunity ze kontaktéieren, huet d'Nasa de Roboter e Mëttwoch opginn.

© AFP
Bal 15 Joer laang war de Mars-Rover Opportunity um Roude Planéit, dobäi sollt d'Missioun ursprénglech nëmmen 90 Deeg daueren. Deemno war de Mars-Rover 14 Joer méi laang am Asaz ewéi geplangt.

De Mars-Rover war eng vun de gréissten Hoffnungen, fir de Planéit besser ze verstoen a kennenzeléieren.

D'Missioun vum 185 Kilogramm schwéiere Gerät ass domat eriwwer. De Kontakt zum Mars-Rover war den 10. Juni 2018 verluer gaangen, dat wärend engem Sandstuerm um Mars. Dono huet een näischt méi vum Roboter héieren a war net méi ze erreechen.



De Rover war am Juli 2003 u Bord vun enger Rakéit vun der Weltraum-Gare Cape Canaveral aus gestart an ass ronn en halleft Joer méi spéit, de 25. Januar 2005, um Mars gelant. Zanterhier ass de Mars-Rover bal 15 Joer laang iwwer de Roude Planéit gerullt an dobäi huet hie vill Ausdauer bewisen. Am Joer 2007 hat hien nämlech nach ee vill gréissere Stuerm iwwerstanen.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.