Europa LeagueSchalke, Roum a ManU wannen, Gladbach verléiert

Et war Zäit fir d'Allermatcher an der Siechzengstelsfinale an der Europa League um Donneschdeg den Owend.

Matcher am Iwwerbléck:

Um 17 Auer ugepaff

Krasnodar-Fenerbaçe 1:0 

Um 19 Auer ugepaff

Mönchengladbach-Florenz  0:1

Gladbach hat an der 1. Halschent méi vum Spill an eng ganz Rei Chancen op ee Goal. De Jantschke an de Stindl haten den 1:0 um Fouss. Mee et sollt net sinn: De Goal fält an der 44. Minutt no engem direkte Fräistouss. De Bernardeschi schéisst den 0:1 mat lénks. An der 2. Halschent huet d'Fiorentina hiert Resultat geréiert a sech um Enn vill Zäit gelooss bei all Spillaktioun.



AZ-Lyon 1:3
Astra-Genk 2:2
Rostov-Prag 4:0
Ludogorets-Kopenhagen 1:2
Celta Vigo-Chaktar 0:1

La Gantoise-Tottenham 1:0

De Perbet huet den iwwerraschenden 1:0 géint d'Englänner an der 58. Minutt geschoss, no enger schéiner Pass vum Asare op de Milisevic, deen an de Réck vun der Verdeedegung vun Tottenham op de Perbet weidergëtt. Bis dohinner an iwwerhaapt an dëser Partie goufen d'Belsch kloer dominéiert, mee hunn hir Chancen no vir raus konnten äiskal notzen.

Olympiakos-Osmanlispor 0:0

© afp


Um 21 Auer ugepaff:

Villareal-Roum 0:4

Verdéngt féiert Roum no 32 Minutten mat engem Dramgoal vum Emerson no engem Feeler vum Castillejo. Dann trëfft den Dzeko an der 65. Minutt no enger Feinte äiskal den 2:0, grad wéi d'Spuenier sech nees erkréien. An der 79. an an der 86. Minutt ass et dann och nees den Dzeko, dee Roum Goal Nummer 3 a 4 op dësem Owend schéisst.

PAOK-Schalke 0:3

An der 27. Minutt huet Schalke no enger éischter méi staarker Véierelstonn vum Géigner mat engem Fräistouss vu lénks vum Schöpf op den Naldo, deen op de Goalkeep käppt. De Burgstaller kritt de Ball virun d'Féiss a mécht den 1:0. Vun do uns huet déi däitsch Equipe de Match an der Hand. An der 82. Minutt käppt de Meyer de 2:0 an de lénken Eck. An der 90. Minutt ass et dann nach den 3:0 vum Huntelaar.

Anderlecht-Zenit 2:0
Bilbao-APOEL 3:2
H. Beer Sheva-Besiktas 1:2

Manchester United-St-Etienne 3:0

Den Ibrahimovic schéisst de Ball no 15. Minutten dem Goalkeep duerch d'Been fir den 1:0. An der 1. Halschent hu béid Equippen Chancen, mee d'Fransouse kréie sech manner gutt virum Goal duerchgesat. An der 75. Minutt schéisst den Ibrahimovic den zweete Goal fir Man U no engem Solo vum Rashford, deen de Ball schaarf an d'Mëtt spillt. An der 88. Minutt schéisst hien dann nach den 3:0 iwwer Elefmeter. Et ass de 5. Goal fir den Ibrahimovic an dëser Saison vun der Europa League.

Legia-Ajax Amsterdam 0:0



 



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.
 

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.