Dammebasket Final 4Victoirë fir d'Musel Pikes an d'Amicale Steesel

En Dënschdeg den Owend goufen am Basketchampionnat bei den Dammen déi éischt Halleffinalle vum Final 4 gespillt.

D'Musel Pikes konnte sech mat 68 op 55 zu Conter duerchsetzen. An der Paus stoung et nach 28:28 gläich, mä am 3. an am 4. Véierel konnten d'Pikes dunn den Ënnerscheed maachen.

An der zweeter Partie en Dënschdeg den Owend gouf et eng kloer Victoire fir d'Amicale Steesel. Si setzen sech mat 89 op 51 géint de Basket Esch duerch. No den éischten zwee Véierel stoung et schonn 52:33 fir d'Amicale.

E Sonndeg geet et bei den Damme weider.

Bei den Häre ginn um Mëttwoch déi éischt Halleffinalle vum Final 4 gespillt. Um 20 Auer ass et un de Musel Pikes géint d'Etzella Ettelbréck, um 20.30 Auer spillen dann den Titelverdeedeger Amicale Steesel an den T71 Diddeleng géinteneen.

D'Halleffinalle vum Championnat ginn am Best-of-Three-Modus gespillt.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.