ING Marathon - FOTOEN, VIDEOEN a RESULTATERVictoire fir Edwin Kiptoo, Bertil Muller 1. Lëtzebuerger

Um Samschdeg war déi 12. Editioun vum ING Marathon an der Stad. Dernieft stoung och e Semi-Marathon um Programm. Béides bei ganz uergen Temperaturen.

Et war waarm um Samschdeg an dorënner haten och d'Leefer ze leiden ...

RTL Spezial - ING Marathon (28.05.2017)
RTL Spezial ass déi Emissioun, an där wichteg Evenementer couvréiert ginn.


ING MARATHON: Kuckt hei déi ganz Resultater.

FOTOGALERIE: Andréck vum Marathon - 1. Deel
FOTOGALERIE: Andréck vum Depart vum Roland Miny op pressphoto.rtl.lu.
FOTOGALERIE: Grousse Samba-Festival fir den Optakt vum ING-Marathon.

Edwin Kiptoo


Den Edwin Kiptoo war dee Séierste beim Marathon. De Kenianer koum no 2 Stonnen, 16 Minutten a 56 Sekonnen an d'Zil. Dëst ass de véiertbeschte Chrono, dee jee beim ING Marathon realiséiert gouf. Den John Komen gëtt den Zweeten mat enger Zäit vun 2 Stonnen, 18 Minutten a 55 Sekonnen. Den Alex Chesakit aus dem Uganda komplettéiert de Podium.

De Bertil Muller kënnt no 2 Stonnen, 56 Minutten a 54 Sekonnen als éischte Lëtzebuerger an d'Zil. Zweete Lëtzebuerger gëtt de Chris Kippchen an 2 Stonnen, 58 Minutten a 34 Sekonnen. De Podium gëtt komplettéiert vum Thierry Dondlinger, deen 3 Stonnen, 2 Minutten an 12 Sekonne gebraucht huet.

Bei den Dammen wënnt d'Tsehay Getiso aus Äthiopien an 2 Stonnen, 46 Minutten an 8 Sekonnen.

D'Fabienne Gehlen war aus Lëtzebuerger Siicht am séiersten, si konnt ee Chrono vun 3 Stonnen, 21 Minutten realiséieren.

Sportextra: ING-Marathon 2017 (27.05.2017)
Ënner Sport Extra fannt Dir déi grouss Sport-Eventer vum Joer, egal op Tour de France oder Football-Lännermatcher. Mir si LIVE dobäi.


De Cosmas Kyeva wënnt de Semi-Marathon an enger Stonn, 11 Minutten an 3 Sekonnen, dat virum Fransous Hissam Aissa. De Fransous ass no 1 Stonn, 13 Minutten a 47 Sekonnen an d'Zil komm. Op déi drëtt Plaz kennt den Däitschen Sebastian Hallmann an 1 Stonn, 14 Minutten a 56 Sekonnen.

De Podium vum Semi-Marathon bei den Hären.

Beim Semi-Marathon war de Christophe Kass de séierste Lëtzebuerger.

De Christophe Kass war de séierste Lëtzebuerger beim Semi-Marathon.

Bei den Damme wënnt d'Lisa Hahner aus Däitschland mat engem Chrono vun 1 Stonn, 18 Minutten an 11 Sekonnen. D'Pascale Schmoetten war bei de Fraen dat Drëtt a séierst aus Lëtzebuerger Siicht mat engem Chrono vun 1 Stonn, 29 Minutten a 39 Sekonnen.

De Podium vum Semi-Marathon bei den Fraen.

D'Pascale Schmoetten koum op déi gutt 3. Plaz beim Semi.


Grousse Respekt un de Josy Simon, dee mat 84 Joer nach matgelaf ass!© Claude Dublin


Iwwer 15.000 Leefer waren um Depart.

Virum Start vum Marathon (27.05.2017)
Mir hunn de Bols gefillt!


De Marathon, dat ass awer méi wéi nëmmen e Sportsevenement. Et ass e Volleksfest, dat dausende Leit unzitt.

Dat waarmt, dompegt Wierder war natierlech fir d'Leefer net einfach. De Spectateuren huet dat Summerwieder vill besser gefall. D'Wieder war awer och eng Erausfuerderung fir den Organisateur Erich François.

Extrait Erich François (1)

An der ganzer Stad war Volleksfest-Stëmmung, wéi soss zum Beispill op Nationalfeierdag.

Keng gréisser Problemer am Trafic goufe gemellt, den éischte Bilan e Samschdeg den Owend vum Erich François war ganz positiv.

Extrait Erich François (2)



Glas op d'Streck gehäit

Beim Nuetsmarathon huet d'Police missen e Mann mat a Passage-Arrest huelen, well en e Glas op d'Streck gehäit hat. Blesséiert gouf keen.

De Mann hat vill ze vill gedronk, war aggressiv, sou datt d'Police decidéiert huet, de Mann wär eng Gefor fir sech selwer an anerer an et wär besser, wann e sech kéint am Arrest ausraschten.


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.