ATP-Tournoi vu s'HertogenboschGilles Muller wënnt ATP-Titel, Plaz 26 a Weltranglëscht

No senger Victoire an der Halleffinale géint den däitschen Alexander Zverev, huet de Gilles Muller géint den Ivo Karlovic missen untrieden.

De Gilles Muller wënnt säin 2. ATP-Titel (18.06.2017)
Zweemol goung et an den Tiebreak an zweemol hat de Lëtzebuerger um Enn déi besser Nerven!
Virun dëser Partie war et eng ausgeglache Statistik tëscht béide Spiller. De Gilles Muller konnt eng Kéier géint de Kroat gewannen, ma och eng Defaite gouf et fir de Lëtzebuerger. De Karlovic steet am ATP-Ranking op der 24. Plaz an ass domat 4 Platze besser placéiert ewéi de Muller. Béid Spiller si bekannt fir hire staarken Opschlag.

AUDIO: Gilles Muller wënnt zu s'Hertogenbosch - F. Hippert



Interview: De Gilles Muller am Gespréich mam Fränky Hippert.



Dëst hu si och direkt zum Ufank vum Match ënnerstrach. Kee vu béide Spiller hat ee Problem fir säi Service duerchzebréngen. Dowéinst huet d'Entscheedung missen am Tiebreak falen. Hei huet de Lëtzebuerger d'Nerve behalen a konnt dëse mat 7:5 fir sech entscheeden an domat och mat 1:0 an de Sätz a Féierung goen.

An dësem éischte Saz konnt de Gilles Muller ganzer 12 Asse verzeechnen, dräi méi ewéi säi Géigner.

Am zweete Saz war et dat gewinnte Bild. Béid Spiller konnten hiren Opschlag ëmmer nees duerchbréngen, also ass et och am zweete Saz an den Tiebreak gaangen. Och dëse konnt de Lëtzebuerger gewannen.

De Franky Hippert am Gespréich mam Gilles Muller



Dëst ass dem Gilles Muller säin zweeten ATP-Titel no sengem éischten Titel am Januar zu Sidney.




Fir de Lëtzebuerger Sportler vum Joer ass dëst natierlech ee groussen Erfolleg an och aner Lëtzebuerger hu mam Gilles Muller mat geziddert a gehofft.

Weiler-la-Tour Live beim Mulles dobäi:


An der Staat Lëtzebuerg waren se och Live dobäi:


Den TC Schieren feiert de Gilles Muller:



Ganz kreativ waren dann och dës Supporter, déi dem Gilles Muller souguer en eegent Lidd komponéiert hunn:



No sengem Succès an der Final vum Tennis Tournoi zu s'Herthogenbosch an Holland, steet de Gilles Muller an der Weltranglëscht elo op der 26. Plaz. Dat ass e Plus vun 2 Plaze fir de Lëtzebuerger.

Domadder huet hie säi beschte Ranking a senger Carrière egaliséiert.

Télégramme de félicitation à l'attention de Gilles MULLER, vainqueur du tournoi ATP de s'Hertogenbosch 2017 (18.06.2017).

Bravo Gilles pour ton 2e succès sur le circuit ATP en ce jour à s'Hertogenbosch !

Cette brillante victoire, sur gazon cette fois-ci, vient confirmer ta place parmi l'élite mondiale après ton titre obtenu en début d'année à Sydney.

Une fois encore, le Luxembourg est fier de son champion "en herbe", si j'ose dire en l'occasion !

Voilà de bonne augure en tout cas en vue du grand rendez-vous du tennis mondial sur le gazon sacré de Wimbledon !

Toutes mes félicitations et bonne chance pour la suite de la saison !

s. Romain SCHNEIDER
Ministre des Sports

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.