"Champions League"-QualifikatiounF91 Diddeleng kritt et mat Apoel Nikosia ze dinn

An der "Champions League"-Qualifikatioun kritt Diddeleng et am 2. Tour mat den Zyprer vun Apoel Nikosia ze dinn.

© Pressphoto.rtl.lu

Am europäesche Football war um Méindeg an der Mëttesstonn den Tirage vun der Qualifikatioune fir d'Champions League.

De Lëtzebuerger Champion F91 Diddeleng kritt et am zweeten Tour mat Apoel Nikosia ze dinn. Den Allersmatch ass am Prinzip den 11. Juli op Zypern, de Retour ass dann déi Woch drop zu Diddeleng.

Nikosia ass 26-fachen zypriotesche Champion an huet 21 mol d'Coupe gewonnen.

CL: Diddeleng géint Apoel Nikosia - Rep. Franky Hippert



Den zyprioteschen Champion ass alles anescht wéi en einfacht Lous, däers ass sech och de President vum F91 Diddeleng Romain Schumacher bewosst. An dach flitt een net an de Südoste vun Europa fir op der Insel Vakanz ze maachen ...

2012 stoung Nikosia zum Beispill  an der Véierelsfinall vun der Champions League.

De President vum F91 Romain Schumacher, hat, wat d'Auslousung ugeet, awer e gewësse Problem: An der Grupp vun den Diddelenger wieren nämlech vill Equippe gewiescht, géint déi ee rezent schonn emol gespillt hätt. Zitat: "Ech verstinn net genau, wéi dat agedeelt gëtt. Mir spille geschwënn all Joers ëmmer géint déiselwecht" ... och wann d'Zyprioten elo awer e ganz neie Géigner wieren.

RTL-NEWS: D'Géigner vun de Lëtzebuerger an der Europa League.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.