"Europa League"-QualifikatiounWou spillt Nidderkuer géint Glasgow Rangers?

E Méindeg gouf geloust: D'Fola Esch spillt géint Milsami Orhei, den FC Déifferdeng 03 géint PFC Zire an Nidderkuer géint d'Glasgow Rangers.

Am europäesche Football goufen e Méindeg an der Mëttesstonn jo déi international Géigner vun de Lëtzebuerger Equippen an der Champions League an och der Europa League ausgeloust.

De Lëtzebuerger Champion F91 Diddeleng kritt et am zweeten Tour vun der "Champions League"-Qualifikatioun géint Apoel Nikosia aus Zypern ze dinn.

An der Europa League stécht virun allem ee groussen Numm eraus ...

Tirage Europa League: Rep. Jeff Kettenmeyer



Vun Déifferdeng a vum Gaalgebierg kuckt een, wat de Klang vum Numm vum Géigner ugeet, e bësse jalous eriwwer op Nidderkuer. De Progrès kritt et nämlech mam schottesche Rekordchampion, de Glasgow Rangers, ze dinn.

Glasgow feiert de Retour op déi international Bühn, no der Insolvenz 2011 huet de Veräin sech séier nees an déi iewescht Tabelleregioun vun der héchster schottescher Liga gespillt.

Fir Nidderkuer gëtt et egal wéi en Duell mat engem absoluten Traditiounsveräin, de President Fabio Marochi schwätzt vun engem "sportlechen Highlight" an Dreeme wier erlaabt.

Ma wou spillt Nidderkuer säi Retourmatch géint d'Glasgow Rangers?
Déi Fro léist am Moment vill Käpp dämpen, virun allem wann ee weess, datt de schottesche Rekordchampion tëscht 3.000 a 4.000 Supporter matbréngt. Am Fong bleift just de Stade Josy Barthel op der Arelerstrooss an der Stad. Do gëtt an den nächste Wochen awer de Wuess nei gemaach.

Wou spillt Nidderkuer géint d'Glasgow Rangers?



Den FC Déifferdeng kritt et mat Zire aus dem Aserbaidschan ze dinn, an de President Fabrizio Bei hätt ganz gären en anert Lous krut - dat hei wier "Neiland" an déi Destinatioun hätt een am léifsten evitéiert.

D'Fola spillt géint Milsami aus Moldawien, ee Géigner géint deen och schonns den F91 2013 gespillt hat an knapp eliminéiert gouf. Déi Escher rechne sech gutt Chancen aus, de Vize-President Gilbert Goergen seet, datt den Numm zwar onbekannt wier, ma an der Tabell wiere se vir bäi an am Koeffizient wiere se ähnlech wéi d'Fola, domat bestäing d'Chance op e gutt Resultat.

D'Allermatcher sinn schonns déi nächst Woch, den 29. Juli, an d'Retourmatcher 8 Deeg drop, also de 6. Juli.




Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.