Héchste Ranking a senger CarrièreGilles Muller Nummer 22 op der Welt

No sengem Exploit zu Wimbledon huet de Gilles Muller an der neier Tennis-Weltranglëscht ee gudde Saz no vir gemaach.

No sengem phenomenale Parcours zu Wimbledon bis an d'Véierelsfinall verbessert sech de Gilles Muller an der neister Tennisweltranglëscht ëm 4 Plazen op d'22.

De Lëtzebuerger Sportler vum Joer ass punktgläich, 1.885, mam Amerikaner John Isner, deen op der 21 steet. Béid hunn nach 30 Punkten Avance op de Sam Querry, deen 23. ass.

Et ass déi bis ewell bescht Plaz an der Carrière vum Gilles Muller.

RTL-News: "Mullesmania" zu Lëtzebuerg.

De Schott Andy Murray bleift am ATP-Ranking deen 1. De Spuenier Rafael Nadal, géint deen de Muller an der Aachtelsfinall gewonnen hat, den 2. De Rekord-Wimbledon-Gewënner Roger Federer aus der Schwäiz ass den 3., an de Finalist a Vainqueur géint de Lëtzebuerger an der Véierelsfinall, Marin Cilic aus Kroatien, bleift de 6.

Bei den Dammen ass d'Karolina Pliskova aus der Tschechescher Republik nei Nummer 1, virun der Rumänin Simona Halep an der Ex-Nummer 1 Angelique Kerber aus Däitschland. D'Wimbledon-Gewënnerin Garbiñe Muguruza aus Spuenien steet am WTA-Ranking elo op der 5. Plaz.

De Gilles Muller no sengem Retour vu Wimbledon
Reportage Franky Hippert



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.