BasketSteesel verléiert den Optaktmatch géint d'Musel Pikes

Donieft gouf et Punkte fir Esch, Diddeleng an de Racing. Bei den Damme wënnt Diddeleng ganz knapp géint de Gréngewald.

De Racing konnt sech am éischte Match vum Spilldag mat 80:74 géint d'Sparta vu Bartreng duerchsetzen. Diddeleng wënnt ganz kloer mat 104 op 64 géint Hiefenech. De Basket Esch konnt sech ouni gréisser Problemer mat 93:69 géint AB Contern duerchsetzen, d'Musel Pikes klappen den Doublé-Gewënner vu leschter Saison Steesel mat 72:66.

Bei den Damme klappt de Basket Esch den AB Contern mat 80:76. An d'Verlängerung huet et tëscht de Musel Pikes a Steesel misse goen, bis sech d'Gäscht mat 74:68 behaapte konnten. D'Sparta konnt sech beim Telstar mat 68:59 duerchsetzen. Ganz knapp ka sech Diddeleng mat 56:54 géint Gréngewald-Hueschtert duerchsetzen.

© Guy Seyler / RTL Sport


Link: D'Resultater am Iwwerbléck