FOTOEN a VIDEO: 56. Route du VinChampionstitele fir Pol Mellina a Martine Mellina

D'Course gouf wéi gewinnt vun afrikanesche Leefer dominéiert. Bei den Häre gewënnt de Zelalem Mengistu a bei den Damme war d'Peninah Kandie déi Séierst.

Route du Vin 2017 / Reportage Lynn Kayser



Zanter 1988 huet all Joer en afrikanesche Leefer sech an de Palmarès vun der Route du Vin zu Réimech ageschriwwen. Dat war och dëst Joer nees de Fall. No den 21 Kilometer ka sech de Zelalem Mengistu d'Victoire sécheren. Den Äthiopier konnt sech op de leschte Meter vum Kenianer Ezra Kering ofsetzen an hei zu Réimech d'Victoire an enger Zäit vun 1 Stonn 2 Minutten a 37 Sekonne feieren. Zanter 1996 ass et déi éischte Victoire bei der Route du Vin vun engem Äthiopier.

D'Course war 2017 ganz spannend, déi éischt 5 sinn innerhalb vun 30 Sekonnen iwwert d'Arrivée gelaf.

© pressphoto / Roland Miny


Bei den Damme konnt sech d'Peninah Kandie aus Kenia bei Kilometer 15 vun hire Konkurrentinnen ofsetzen an ass dunn alleng a Richtung Arrivée gelaf. Hei huet si sech an enger Zäit vun 1 Stonn 9 Minutten an 16 Sekonnen d'Victoire geséchert. Si verbessert de Streckerekord ëm 6 Sekonnen.

Route du Vin (24.09.2017)
Impressioune vum Traditiounslaf


FOTOGALERIE: Andréck vun der Route du Vin vum Roland Miny

Martine Mellina a Pol Mellina gewannen de Championstitel
De Podium vum Lëtzebuerger Championnat bei den Hären.© Jana Peters


Aus Lëtzebuerger Siicht do war et um Sonndeg d'Lëtzebuerger Championnat am Semi-Marathon. Bei den Häre kann de Pol Mellina sech den Titel sécheren. De Leefer vum Celtic konnt sech mat enger Zäit vun 1 Stonn 8 Minutten a 7 Sekonnen no 2013, 2014, 2016 an 2017 de 4. Titel gewannen. Am Schlussklassement gëtt de Pol Mellina de gudden 13..

Um Podium stoungen nach de Christophe Kass an den Frank Schweitzer.

Bei de Lëtzebuerger Damme geet den Titel un d'Martine Mellina. D'Leeferin konnt sech bei hirem éischte Semi-Marathon direkt Gold sécheren, dat an enger Zäit vun 1 Stonn 19 Minutten a 55 Sekonnen. Am Schlussklassement ass et déi 13. Plaz. Um Podium vum Championnat stoungen nach d'Martine Nobili an d'Tatjana Quesada.

PDF: Dat komplett Resultat

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.