BasketDe Racing klappt iwwerraschend d'Etzella

Um Sonndeg stoung an der Total League nach de Match tëscht der Etzella an dem Racing um Programm.

An enger serréierter Partie gewënnt de Racing iwwerraschend mat 77:69 géint d'Etzella.

No enger ausgeglachener Ufanksphase, konnt sech d'Etzella am Schluss vum éischte Véierel däitlech mat 26:13 ofsetzen. Esou huet et och no enger däitlecher Affär ausgesinn, mee am zweete Véierel ass de Racing besser an de Match komm a konnt däitlech ophuelen. Bei der Etzella huet d'Ballzirkulatioun net méi esou fonctionnéiert wéi am éischte Véierel an esou ass et mat engem 37:35 an d'Paus gaangen.

Am drëtte Véierel konnt den Opsteiger souguer a Féierung goen a konnt sech tëschenduerch mat 9 Punkten ofsëtzen. D'Etzella ass awer dru bliwwen an hu sech nees erugekämpft. Am leschte Véierel huet beim Racing ee vun hiren Topscorer, den Eric McAllister, misste blesséiert den Terrain verloossen. D'Etzella huet am leschte Véierel nach eng kéier alles probéiert fir de Match ze dréinen, ma um Enn sollt et net duergoen.

LINK: All d'Resultater an d'Tabell am Iwwerbléck

Rebound (01.10.2017)
De Basket Magazin vun der Télé, mat Analyse vun de Matcher, Youth Corner, Portaiten a Reportagen


Bei den Dammen huet d'Ettelbrécker Etzella kloer mat 93 op 38 géint den Telstar gewonnen.

© Maya a Robert Straus

FOTOGALERIE: Etzella - Telstar

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.