DammentennisPetkovic a Lisicki weider, Kerber out!

En Dënschdeg war den zweeten Dag vum Haapttableau beim WTA-Dammentennis-Tournoi op der Kockelscheier.

Déi éischt Tête-d'affiche, déi am 1. Tour eliminéiert ginn ass, ass d'Eugenie Bouchard. D'Kanadierin huet an 3 Sätz, 6-2, 2-6 an 3-6 géint d'Schwedin Johanna Larsson verluer.

Soss huet ënnert anerem d'Hollännerin Kiki Bertens an 2 Sätz géint d'Tschechin Denisa Allertova gewonnen an d'Brittin Heather Watson huet sech kloer an 2 Sätz géint d'Belsch Yanina Wickmayer duerchgesat.

Out fir d'Titelverdeedegerin Monica Niculescu. D'Rumänin verléiert am 1. Tour vum WTA-Dammen Tennis Tournoi op der Kockelscheier an zwee Sätz 5-7, 3-6 géint d'Franséisin Pauline Parmentier.

FOTOGALERIE: Andréck vun der Kockelscheier vum Roland Miny op pressphoto.rtl.lu.

An engem richtege Krimi konnt sech d'Andrea Petkovic an dräi Sätz duerchsetzen. Hat d'Nummer 93 op der Welt nach den éischte Saz dominéiert a 6:1 gewonnen, konnt sech d'Petra Martic aus Kroatien am zweete Saz zeréckkafen, dat mat 6:3. Den drëtte Saz huet da missen an den Tie-Break goen, wou sech déi Däitsch mat 7:6 konnt duerchsetzen.

Och d'Sabine Lisicki konnt sech qualifizéieren.

D'Olympiagewënnerin Monica Puig aus Puerto Rico huet géint Hallefnuecht an 2 Sätz 6-3 a 6-4 géint déi fréier Nummer 1 op der Welt Angelique Kerber aus Däitschland gewonn.

E Méindeg huet schonn d'Rumänin Sorana Cirstea missen opginn.

FOTOGALERIE: Andréck vum Dënschdeg vum Val Wagner.

FOTOGALERIE: Andréck vum Méindeg vum Val Wagner.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.