Vill Goler am VideoReal just gläich, Liverpool trëfft 7 Mol, Dortmund well out?

Champions League um Dënschdeg: Moskau mat 5 Goler géint Sevilla, Leipzig kann eng éischt Victoire feieren a fir Dortmund gëtt et scho ganz enk ...

Weidere Spilldag dës Woch an der Gruppephas vun der Champions League, en Dënschdeg waren d'Gruppen E bis H drun. E Mëttwoch ass et dann u de Gruppen A bis D.

Champions League: Den Iwwerbléck.

Den drëtte Spilldag an de Gruppen E bis H kéint een esou resuméieren: e puer héich Victoiren, e puer iwwerraschend Gläichspiller an eng éischt Victoire an der Champions League vu Leipzip.

Champions League: De Resumé vum Nico Keiffer



Bléck an d'Gruppen

Fänke mer hannen un, mat där um Pabeier ganz staarker Grupp H, wou et fir de BVB elo ganz sauer gëtt, wann d'Borussen net schonn eliminéiert sinn. No zwou Defaitte géint Tottenham a Real war et um Dënschdeg just e Gläichspill op Zypern géint Nikosia - wéinst engem Aussetzer vum Keeper Bürki. Dat heescht: 1 Punkt no 3 Spiller. Och APOEL huet just ee Punkt.

CL, Grupp H: APOEL-Dortmund 1:1 (17.10.2017)
Resumé


Vir an der Tabell leien de Real an Tottenham - déi en Dënschdeg och 1:1 gedeelt hunn, mat 7 Punkten. Et ass nach alles dran, ma wann Dortmund nach wëll weiderkommen, da muss elo alles klappen ...

CL: Real Madrid - Tottenham, den 0:1 (17.10.2017)
Selbstgoal Varane an der 28.

CL: Real Madrid - Tottenham, den 1:1 (17.10.2017)
Eelefmeter vum Ronaldo an der 43.


Am Grupp G war et déi éischt Victoire fir den RB Leipzig: 3:2 géint Porto. Sämtlech Goler sinn an der éischter Halschent gefall. Besiktas ka sech auswäerts 2:1 géint Monaco behaapten a bleift souverän vir an der Tabell mat 9 Punkten. Da Leizip mat 4, Porto mat 3 an Monaco, ëmmerhin Halleffinalist d'lescht Joer, mat just engem Pinktchen ...

Manchester City huet am Grupp F nach de Maximum vun 9 Punkten a steet logescherweis op der 1. Plaz: 2:1 ka sech d'Equipe vum Guardiola géint Neapel behaapten, Feyenoord muss sech doheem 1:2 géint Donetsk geschloe ginn a waart weider op ee Punkt.

CL, Grupp F: Victoirë fir Man. City an Donetsk (17.10.2017)
Feyenoord - Shakhtar Donetsk 1:2 an Man. City - Napoli 2:1


Am Grupp E da sinn en Dënschdeg ganz vill Goler gefall: 13 Stéck! Maribor geet doheem 0:7 géint Liverpool ënner a Spartak Moskau léisst doheem Sevilla keng Chance: 5:1 heescht et um Enn. An der Tabell leien hei déi 4 Equippen awer nach ganz no beieneen: Liverpool 5, Moskau 5, Sevilla 4, Maribor 1.

CL: Ganz vill Goler am Grupp E (17.10.2017)
Maribor-Liverpool 0:7 - Spartak Moskau-Sevilla 5:1


D'Resultater vum Dënschdeg am Iwwerbléck

Grupp E
Maribor-Liverpool 0:7
Spartak Moskau-Sevilla 5:1



Grupp F
Feyenoord - Shakhtar Donetsk 1:2
Man. City - Napoli 2:1



Grupp G
Leipzig - Porto 3:2
Monaco - Besiktas 1:2



Grupp H
Real Madrid - Tottenham 1:1
APOEL - Dortmund 1:1

CL: Real Madrid - Tottenham, den 0:1 (17.10.2017)
Selbstgoal Varane an der 28.


CL: Real Madrid - Tottenham, den 1:1 (17.10.2017)
Eelefmeter vum Ronaldo an der 43.




D'Matcher vum Mëttwoch

Grupp A
Benfica - Man. United
CSKA Moskva - Basel

Grupp B
Bayern - Celtic
Anderlecht - Paris

Grupp C
Chelsea - Roma
Barcelona - Olympiacos

Grupp D
Juventus - Sporting CP
Qarabağ - Atlético (schonn um 18 Auer)

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.