DammentennisMertens, Puig, Parmentier a Witthöft an der 1/2-Finall

Um Donneschdeg goufen d'Véirelsfinalle bei de BGL BNP Paribas Luxembourg Open op der Kockelscheier gespillt.

D'Pauline Parmentier huet sech als éischte Spillerin fir d'Halleffinalle beim Tennis-Tournoi op der Kockelscheier qualifizéiert. Mat 6:1 a 6:2 gewënnt d'Franséisin géint d'Schwedin Johanna Larsson.

D'Géignerin vum Pauline Parmentier an der Halleffinall ass d'Carina Witthöfft. Déi däitsch Tennisspillerin konnt sech an 2 Sätz mat 6:1 a 6:2 géint d'Kiki Bertens aus Holland behaapten.

D'Monica Puig konnt sech an dräi Sätz kloer géint Naomi Broady duerchsetzen. D'Puerto Ricanerin war am éischte Saz mat 6:0 extrem dominant, den zweeten huet si awer mat 7:5 missen ofginn. Ma am drëtten a leschte Saz huet d'Goldgewënnerin vun den Olympesche Spiller nees näischt ubrenne gelooss a wënnt mat 6:1.

An der Halleffinale trëtt si op d'Elise Mertens aus der Belsch, déi hire Match mat mat zwee Mol 6:4 géint d'Heather Watson gewanne konnt.

FOTOGALERIE: Andréck vun der Kockelscheier vum Roland Miny op pressphoto.rtl.lu.

FOTOGALERIE: Andréck vum Méindeg vum Val Wagner.

FOTOGALERIE: Andréck vum Dënschdeg vum Val Wagner

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.