Football-WM 2018 a RusslandDen Iwwerbléck vun all de Participanten

Peru an Neiséiland hunn an der Nuecht op en Donneschdeg ëm de leschten Ticket fir d'WM gespillt. Um Enn gewënnt Peru an ass a Russland mat dobäi.

© afp
Nodeems den Allersmatch a Neiséiland e Samschdeg nach 0-0 op en Enn gaangen ass, elo konnte sech d'Südamerikaner 2-0 duerchsetzen.

Wie geet mat op d'WM?
211 Equippen hate sech fir d'Qualifikatioun vun der Football-Weltmeeschterschaft 2018 a Russland ugemellt. Zanter en Donneschdeg stinn déi 32 Participante fest.

Mat Italien an Holland hunn zwou grouss Football-Natiounen d'Qualifikatioun net iwwerstanen. Dofir sinn dann awer Exote wéi Panama an Island mat dobäi.

Den 1. Dezember ginn zu Moskau déi 8 Gruppen ausgeloust. Wéi eng Equippen a wéi engen Dëppe sinn, huet d'Fifa-Weltranglëscht vum 16. Oktober 2017 decidéiert. An engem Grupp dierfe maximal zwou europäesch Equippe sinn.

De 14. Juni 2018 fänkt d'Weltmeeschterschaft a Russland un. Déi 32 Equippen treffen an 8 Véierer-Gruppen openeen. D'Finall ass de 15. Juli am Olympiastadion Luschniki zu Moskau. 

Däitschland hat bei der leschter WM a Brasilien den Titel gewonnen.

Europa
Russland, Belsch, Däitschland, England, Spuenien, Polen, Serbien, Island, Portugal, Frankräich, Schwäiz, Kroatien, Schweden an Dänemark



Südamerika
Brasilien, Uruguay, Argentinien, Kolumbien a Peru



Asien an Australien
Iran, Japan, Südkorea, Saudi-Arabien an Australien



Nord- a Mëttelamerika a Karibik
Mexiko, Costa Rica a Panama



Afrika
Nigeria, Ägypten, Senegal, Marokko an Tunesien



Wéi eng Equippe sinn a wéi engem Dëppen
Dëppen 1: Russland, Däitschland, Brasilien, Portugal, Argentinien, Belsch, Polen a Frankräich.
Dëppen 2: Spuenien, Schwäiz, England, Kolumbien, Mexiko, Uruguay, Kroatien a Peru
Dëppen 3: Dänemark, Island, Costa Rica, Schweden, Tunesien, Ägypten, Senegal an Iran
Dëppe 4: Serbien, Nigeria, Australien, Japan, Marokko, Panama, Südkorea a Saudi-Arabien



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.