Alles ofgesotKee Football, Basket, Handball oder Volleyball um Sonndeg!

Wéinst de Wiederkonditioune léisst d'FLF um Sonndeg net dobausse spillen. All d'Matcher sinn ofgesot. Och d'FLBB, d'FLVB an d'FLH hunn alles annuléiert.

Déi Lëtzebuerger Footballfederatioun huet elo de komplette Spillprogramm vun e Sonndeg ofgesat. Domat huet sech d'FLF de Kuddelmuddel selwer ënnert de Chrëschtbeemche geluecht. Um Samschdeg gouf nämlech schonn eng Partie vum leschte Spilldag vun der Allersronn gespillt.

Den Opsteiger Rodange hat do 0–4 géint Nidderkuer verluer. De Progrès iwwerwantert elo also un der Tabellespëtzt. Alleguerten d'Matcher vun 2017, goufen nämlech op d'nächst Joer verluecht.

An der Tëschenzäit gëtt et awer dann eng Transfertperiod, sou dat d'Equippen aus der BGL Ligue, déi dee leschte Match vun der Allersronn nach mussen nohuelen, dann en anert Gesiicht hunn, wéi se dat elo dëse Weekend gehat hätten. Och d'Matcher an der Hal sinn elo ofgesot.

Wéinst de schlechte Stroossekonditiounen huet d'FLH decidéiert, all d'Handball-Matcher um Sonndeg ofzesoen. Dat selwecht gëllt fir de Basket an de Volleyball. Um Sonndeg gi keng Matcher gespillt.

Och d'Schachfederatioun hu sämtlech Matcher an allen Divisioune vun der 5. Ronn vum Championnat ofgesot.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.