REPLAY: Lëtzebuerger Sportlergala 2017Christine Majerus, Gilles Muller a Football-Nationalequipe

Et gouf eng Titelverdeedegung fir d'Christine Majerus an de Gilles Muller, bei der Equipe huet d'Football-Nationalequipe d'Dëschtennis-Dammen ofgeléist.

Déi komplett Sportlergala elo am Replay kucken

Replay vun der "Sportspress.lu Awards Night @ Coque" (07.12.2017)
En Donneschdeg den Owend goufen déi bescht Sportler a Sportlerinnen aus dem Grand-Duché an der Coque geéiert.



1973 ass d'Sportgala fir d’éischte Kéier fir de Grand Public zu Uewerkuer organiséiert ginn. 1985 ass d'Lëtzebuerger Sportspress op Munneref geplënnert an zanter 2 Joer gi bei der "Sportspress.lu Awards Night" an der Coque, déi beschte Sportler a Sportlerinnen an déi bescht Equipe vum Joer geéiert.

De Gilles Muller konnt sech 2017 nees beim Sportler vum Joer duerchsetzen. Bei den Dammen huet d'Christine Majerus déi meeschte Stëmme kritt a bei der Equipe vum Joer huet sech d'Football-Nationalequipe behaapt. De Präis vum Exploit vum Joer war fir de Gilles Muller.

Réckbléck op d'Sportlergala (08.12.2017)
En Donneschdeg den Owend goufen ënnert anerem d'Christine Majerus, de Gilles Muller an d'Football-Nationalequipe geéiert.


Sportlergala 2017 / Reportage Franky Hippert



FOTOGALERIE: Andréck vum Arthur Thill

FOTOGALERIE: D'Fotoe vum Roland Miny op pressphoto.lu

Lëtzebuerger Sportlerin, Sportler an Equipe vum Joer
Genee wéi déi leschten 3 Joer geet den Titel vum Sportler vum Joer och dëst Joer nees un den Tennisspiller Gilles Muller. Hie konnt sech mat 547 Stëmme kloer géint de Bob Jungels (343 Punkten) duerchsetzen. Op der 3. Plaz ass mam Jempy Drucker (135 Punkten) ee weidere Coureur gelant.

Extrait Gilles Muller


Sportler vum Joer: Gilles Muller (07.12.2017)
Déi bescht Momenter aus de leschte Méint.

Bei der Sportlerin vum Joer konnt sech genee wéi dat leschte Joer nees d'Christine Majerus duerchsetzen. D'Cyclistin hat um Enn 546 Stëmme géinteniwwer vun den 274, déi d'Dëschtennisspillerin Ni Xia Lian krut. Op déi 3. Plaz koum d'Fechterin Lis Fautsch mat 160 Punkten.

Extrait Christine Majerus


Sportlerin vum Joer: Christine Majerus (07.12.2017)
Déi bescht Momenter aus de leschte Méint.

Bei der Equipe vum Joer konnt sech d'Football-Nationalequipe behaapten. D'Rout Léiwe krute vun de Sportjournaliste 494 Punkten. Op déi zweete Plaz koum d'Nationalequipe vun den Dëschtennis-Dammen (324 Punkten). Déi drëtte Plaz war fir eng weider Footballequipe, nämlech de Progrès Nidderkuer (193 Punkten).

Extrait Luc Holtz


Equipe vum Joer: Football-Nationalequipe (07.12.2017)
Déi bescht Momenter aus de leschte Méint.


Exploit vum Joer
Dëst Joer konnt de Publique fir d'éischte Kéier fir den Exploit vum Joer ofstëmmen. Um Enn hat de Gilles Muller d'Nues vir, dat virum Kimberly Nelting an dem Paule Kremer.



Extrait Gilles Muller


Exploit vum Joer: Gilles Muller (07.12.2017)
Den Tennisspiller Gilles Muller krut vum Publique déi meeschte Stëmmen.


Nieft den 3 Haaptpräisser goufen och nach weider Laureate geéiert
Prix du Jeune Espoir féminin: Kimberly Nelting (Karate)

Kimberly Nelting um Mikro vum Rich Simon


Prix du Jeune Espoir feminin: Kimberly Nelting (07.12.2017)
D'Kimberly Nelting huet am Karate bei de Juniorinnen de Weltmeeschtertitel gewonn.


Prix du Jeune Espoir masculin: Peter Murphy (Short Track)

Extrait Peter Murphy


Prix du Jeunes Espoir masculin: Peter Murphy (07.12.2017)
De Peter Murphy konnt beim Festival Olympique de la Jeunesse am Short Track Gold gewannen.


Prix Sport et Handicap: Romain Fiegen (posthum) (Liichtathletik / Parasport)

Den David Fiegen, fréiere Spëtzeleefer a Bouf vum Romain Fiegen, huet de Präis entgéint geholl.

Prix Sport et Handicap: Romain Fiegen (07.12.2017)
De Romain Fiegen gouf posthum fir seng Verdéngschter an der Liichtathletik an am Parasport ausgezeechent.


Prix d'Honneur vu sportpress.lu: Raymond Sassenrath (Schwammen)

Prix d'Honneur: Raymond Sassenrath (07.12.2017)
De Raymond Sassenrath gouf fir seng Verdéngschter am Schwammsport ausgezeechent.


Trophée d'Honneur féminin: Sylvie Hülsemann (Waasserski)

Trophée d'Honneur masculin: Kim Kirchen (Vëlosport)



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.