Europa LeagueAstana, Östersund, Bilbao an Nice weider, Köln out

En Donneschdeg den Owend war et de leschte Spilldag vun der Gruppephas an der Europa League.

Mat de Resultater vum leschte Spilldag sti Villarreal an Astana, Kiew a Belgrad, Braga a Rasgrad, Mailand an Athen, Bergamo a Lyon, Moskau a Kopenhagen, Viktoria Pilsen a Bukarest, Arsenal a Roter Stern Belgrad,  Salzburg a Marseille, Bilbao an Östersund, Roum an Nice, souwéi Zenit St. Petersburg a Real Sociedad an der nächster Ronn.

LINK: Den Iwwerbléck vun der Europa League

Grupp A

Tëscht Prag an Astana sollt sech entscheeden, wien zesumme mat Villareal an d'KO-Phas kënnt. Astana, mat engem Punkt Retard, huet eng Victoire zu Prag gebraucht. No engem Goal vum Anicic an der 38. Minutt huet et gutt fir d'Equipe aus dem Kasachstan ausgesinn. Um Enn gewanne si dann och de Match zu Prag mat 1:0.

Villarreal - Tel Aviv 0:1
Prag - Astana 0:1

Grupp B

Am Grupp B war scho virum leschte Spilldag kloer, datt Kiew a Belgrad et géingen an d'Tëscheronn packen. Kiew konnt sech am direkten Duell géint Belgrad mat 4:1 duerchsetzen a gëtt domadder Gruppenéischten. Déi zweet Plaz ass fir Belgrad.

Dynamo Kiew - Partizan Belgrad 4:1
Young Boys Bern - Skenderbeu Korce 2:1

Grupp C

Am Grupp C steet Braga un der Spëtzt, do huet och eng 1:2-Defaite Basaksehir näischt méi geännert. Weider ass och Rasgrad, si hu géint Hoffenheim 1:1 gespillt. 

Hoffenheim - Rasgrad 1:1
Istanbul Basaksehir - Sporting Braga 2:1

Grupp D

Mailand ass als éischt Equipe eng Ronn weider. Si hu mat 0:2 zu Rijeka verluer. Den Ticket geléist huet och Athen, dat no engem 0:0 géint Wien.

Austria Wien - AEK Athen 0:0
HNK Rijeka - AC Mailand 2:0

Grupp E

© AFP


Am Grupp E si Bergamo a Lyon eng Ronn weider. Tëscht béiden Equippen ass et en Donneschdeg den Owend nach ëm déi éischte Plaz an der Tabell gaangen an déi konnt sech Bergamo sécheren. Si gewanne mat 1:0 géint Lyon.

Bergamo - Lyon 1:0
Apollon Limassol - FC Everton 0:3

Grupp F

Am Grupp F war just eppes kloer: Zlin war eliminéiert. Déi aner dräi Equippe konnten nach op alle Positiounen tëscht 1 an 3 landen. An der Paus stoung et dunn a béide Matcher nach 0:0, ma kuerz nom Säitewiessel konnt Kopenhagen séier hannereneen zwee Mol markéieren, duerch de Sotirou an der 56. an de Lüftner an der 59. Minutt. Bei dësem Resultat sollt et bleiwen, sou dass si als Gruppenzweet weider sinn.

Um Enn steet Moskau op der éischter Plaz, dat no enger 2:0-Victoire zu Zlin.

Kopenhagen - Sheriff Tiraspol 2:0
FC Zlin - Lok Moskau 0:2

An de Gruppe G bis L goufen d'Matcher um 21.05 Auer ugepaff.

Grupp G

Scho virum Match war sécher, datt Bukarest a Pilsen sécher an der nächster Ronn, Pilsen duerch den direkte Vergläich mat Lugano. Am Fernduell misst sech entscheeden, wie vu béiden Equippen als Gruppenéischte weider kënnt. Pilsen steet um Enn un der Spëtzt, si wannen auswäerts 2:0 géint Beer Sheva. Bukarest verléiert 1:2 géint Lugano a gëtt Zweeten.

Bukarest - Lugano 1:2
Beer Sheva - Viktoria Pilsen 0:2

Grupp H

Am Grupp H huet sech Arsenal schonn als Tabellenéischte fir déi nächst Ronn qualifizéiert. Um leschte Spilldag huet ee Baryssau mat 6:0 iwwerrannt. Tëscht Köln a Belgrad sollt sech dann entscheeden, wien op d'Plaz 2 kënnt. E bessere Start hat d'Heemequipe, déi no 22. Minutten duerch de Srnic a Féierung konnt goen. Köln konnt net méi reagéieren a gëtt domadder eliminéiert.

Arsenal London - Baryssau 6:0
Roter Stern - Köln 1:0

© afp


Grupp I

Am Grupp I soung Salzburg ewell als Gruppegewënner fest, si spillen en Donneschdeg den Owend mat Marseille 0:0 gläich. Marseille geet 1 Punkt duer fir déi zweete Plaz ze behaapten. Konyaspor huet nëmmen 1:1 géint Guimaraes gespillt an ass eliminéiert.

Marseille - Salzburg 0:0
Guimaraes - Konyaspor 1:1

© afp


Grupp J

An der Grupp J hat Östersund schonn den Ticket fir déi nächst Ronn geléist. Ma duerch den 1:1 géint d'Hertha huet een déi éischte Plaz nach missen u Bilbao ofginn. D'Spuenier konnte sech mat 2:0 zu Luhansk behaapten.

Hertha - Östersund 1:1
Luhansk - Bilbao 0:2

Grupp K

Am Grupp K ass Lazio Roum virum 6. Spilldag schonn eng Ronn weider, do huet och eng 2:3-Defaite géint Waregem näischt méi geännert. An der KO-Phas ass am Grupp K nach Nice, dat trotz enger 0:1-Néierlag géint Arnhem.

Zulte Waregem - Lazio 3:2
Arnhem - Nice 1:0

Grupp L

Am Grupp L ass scho virum leschte Spilldag decidéiert, datt Real Sociedad an Zenit eng Ronn weider sinn. Am direkten Duell hu si missten entscheeden, wien op déi éischt Plaz kënnt. No den éischte 45 Minutte hat d'Zenit d'Nues vir, dat mat engem Avantage vun 1:0 duerch e Goal vum Erokhin an der 35. Minutt. No der Paus konnt Real Sociedad an der 58. Minutt duerch e Goal vum da Silva ausgläichen. D'Russe konnten de Match awer nach eng Kéier dréien. An der 64. Minutt huet den Ivanovic den 2:1 geschoss an an der 85. Minutt huet de Paredes fir d'Decisioun an d'Schlussresultat gesuergt. Domadder behaapt St. Petersburg déi éischte Plaz. Real Sociedad ginn déi Zweet.

Real Sociedad - Zenit 1:3
Vardar Skopje - Trondheim 1:1

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.