No Éierung mam Ballon d'OrRonaldo: Ech sinn de beschte Spiller an der Geschicht

En Donneschdeg den Owend ass de Cristiano Ronaldo op en Neits als beschte Footballer vun der Welt vu franséische Medien ausgezeechent ginn.

© afp
No 2008, 2013, 2014 an 2016 ass dëst déi 5. Auszeechnung mam Ballon d'Or fir de Cristiano Ronaldo. De Portugis ass domadder mam Argentinier Lionel Messi, sengem éiwege Rival, gläichgezunn.

De Cristiano Ronaldo hat déi lescht Saison mat Real Madrid de Championstitel a Spuenien an d'Champions League gewonnen.

No der Éierung huet de portugisesche Superstar an héchsten Téin vu sech geschwäermt. Ech gesi keen, dee besser ass wéi ech. Kee Spiller mécht Saachen, déi ech selwer net och kann, awer ech ka Saachen déi anerer net kënnen, sou de Ronaldo am Interview mat France Football. Donieft hält de Cristiano Ronaldo sech fir de beschte Spiller an der Geschicht vum Football a gesäit sech als kompletteste Spiller.




LINK: Méi Informatiounen iwwer de Ballon d'Or am AFP-Artikel op 5minutes.rtl.lu

© afp


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.