TennisGilles Muller fänkt 2018 mat Victoire am Dubbel un

Mat sengem amerikanesche Partner Steve Johnson klappt hien zu Brisbane d'chilenesch-mexikanesch Koppel Peralta-Gonzalez. Am Simple huet en awer verluer.

© RTL (Archiv)
De Gilles Muller huet dat neit Joer mat enger Victoire ugefaangen. De Lëtzebuerger Sportler vum Joer huet beim ATP-Tennis-Tournoi zu Brisbane an Australien am 1. Tour vum Dubbel mat sengem amerikanesche Partner Steve Johnson an 3 Sätz 7-6, 4-6 an 11-9 am Super Tie-Break géint d'chilenesch-mexikanesch Koppel Peralta-Gonzalez gewonn.

Am Simple ass et dogéint net sou gutt gaangen. Do war et den Out am 1. Tour an zwee Sätz (3-6 a 6-7) géint den Chung aus Südkorea, Nummer 58 op der Welt.De Gilles Muller war natierlech net zefridde mam Resultat, ma e war awer frou, dass en de ganze Match ouni Péng konnt spillen. Et bräicht elo nach e bëssen Zäit, bis hien nees zu senger aler Stäerkt erëmfënnt, sou de Sportler vum Joer an enger éischter Reaktioun.

Déi fréier Nummer 1 Andy Murray huet iwwregens wéinst senger Blessure un der Hëft seng Participatioun zu Brisbane missen ofsoen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.