Euro MeetWeltrekordler Adam Peaty kënnt an d'Coque

Ewéi d'Organisateure vum Euro Meet an der Coque e Mëttwoch matgedeelt hunn, huet de Brit Adam Peaty seng Präsens beim Euro Meet 2018 confirméiert.

© afp
De Brit, deen zwee Weltrekorder hält, war schonns bei der leschter Editioun vum Euro Meet dobäi. Bei de Weltmeeschterschaften zu Budapest konnt de Peaty direkt zwee mol Gold gewannen. Iwwer 50 an 100 Meter Broscht konnt de Brit als Éischten uschloen. Dobäi kënnt eng zweet Plaz mat der britescher Staffel.

Viru kuerzem eréischt war de Weltrekordler och bei den Europameeschterschaften am klenge Baseng zu Kopenhagen an Dänemark dobäi. Hei huet hien iwwer 50 Meter Broscht Bronze gewonnen an iwwer 100 Meter Broscht Gold, dat mat Europarekord. Dës Medail huet de britesche Sportler engem dänesche Meedchen ugebueden.

Den 23 Joer ale Schwëmmer hält de Weltrekord iwwer d'50 an 100 Meter Broscht. De Weltrekord iwwer 50 Meter Broscht huet hie bei der WM 2017 zu Budapest opgestallt. Deemools hat hien no 25 Sekonnen a 95 Honnertstel ugeschloen. Bei den Olympesche Spiller 2016 zu Rio de Janeiro huet hie mat enger Zäit vu 57 Sekonnen an 13 Honnertstel och een neie Weltrekord iwwer 100 Meter Broscht realiséiert.

No der Zouso vum Marco Koch an dem Katinka Hosszú, ass den Adam Peaty deen drëtte ganz grousse Star, deen zougesot huet.

RTL-News: Euro-Meet: Fréiere Weltmeeschter iwwer 200 Meter Brasse mat um Depart

RTL-News: Euro Meet am Schwammen: Olympiagewënnerin Katinka Hosszú kënnt an d'Coque

PDF: Communique vun der FLNS

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.