VIDEO: LIHPSLëtzebuerger Olympiastützpunkt gouf virgestallt

Um Freideg gouf de Luxembourg Institute for High Performance in Sports virgestallt. D'Lëtzebuerger Spëtzenathlete sollen hei geziilt ënnerstëtz ginn.

LIHPS: Lëtzebuerger Olympiastützpunkt gouf virgestallt (19.01.2018)
Um Freideg gouf de Luxembourg Institute for High Performance in Sports virgestallt. D'Lëtzebuerger Spëtzenathlete sollen hei geziilt ënnerstëtz ginn.
Un der Spëtzt vum Verwaltungsrot steet de COSL-President André Hoffmann. Den LIHPS ass eng ASBL, déi awer och fest agestallt Personal huet. Den éischten Employé vum LIHPS ass de fréiere Schwëmmer Laurent Carnol. De Lëtzebuerger freet sech op dësen Challenge an ass frou, datt et esou eng Struktur an Zukunft och am Grand-Duché gëtt.

Extrait Laurent Carnol



Fir de Frais de Fonctionnement si fir dëst Joer 400.000 Euro virgesinn, déi vum Staat iwwerholl ginn.

Den LIHPS, de Luxembourg Institute for High Performance in Sports soll de Lëtzebuerger Héichleeschtungssportler d'Méiglechkeet ginn, alles hei am Land ze fannen, dat se brauchen, fir optimal betreit ze ginn. Dat geet vun den Trainingskonditiounen, iwwert de medezineschen, psychologeschen, a sportwëssenschaftleche Suivi. Dat ganzt soll op 3 Piliere baséieren. D'Coque spillt eng wichteg Roll, mat hirem High Performance Training an Recovery Center, wou d'Sportler mat hiren Trainer trainingsspezifeschen Know-How fannen, deen all eenzel Federatioun sech vläicht net leeschte kann. Genee esou wichteg am Sport ass jo och d'Regeneratioun an d'Recuperatioun, wou een dann am nationale Sportzenter um Kierchbierg alles fënnt. Ma och wat dat psychologescht ugeet, huet d'Coque, zesummen och zum Beispill mat der Struktur vum Gilles Muller e Support fir de mentale Beräich opgebaut. Wat dat sportwëssenschaftlecht ugeet, sollt an enger éischter Phase mat der Lunex, der privater Universitéit zu Déifferdeng zesummegeschafft ginn. Doraus gouf awer näischt, an elo gëtt an deem Beräich d'Cooperatioun mam LIH, dem Luxembourg Institue of Health gesicht. De sportmedezinesche Volet gëtt jo vun der Sportklinik zu Eech ofgedeckt, déi vum COSL de Label Centre Médical Olympique Luxembourgeois krut.

E Freideg war den LIHPS och am Radio Sport-Club um Radio en Thema. De President vum COSL André Hoffmann war den Invité.

Radio Sport-Club mam André Hoffmann

RTL-NEWS: VIDEO: High Performance Training & Recovery Center: E professionelle Kader fir Sportler an der Coque

© Coque


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.