Lëtzebuerger Footballer am AuslandMetz verléiert géint Monaco

Um 22. Spilldag an der Jupiler League konnt sech Waasland-Beveren, mam Laurent Jans, mat 3:1 géint Saint-Trond behaapten.

© afp
De Lëtzebuerger Nationalspiller koum iwwer 89 Minutten zum Asaz an an der Tabell läit Waasland-Beveren aktuell op der 8. Plaz.

An der franséischer Ligue 2 stoung de Christopher Martins e Freideg den Owend an der Partie FC Bourg-Péronnas géint Stade Reims déi 90 Minutten iwwer um Terrain. Duerch zwee Goler um Wupp vun der Partie, an der 74. an an der Nospillzäit, ka Reims awer déi 3 Punkte mat an d'Champagne huelen. Reims steet an der Tabell op der éischter Plaz, Bourg-Péronnas ass 19. an domat zweetleschten.

An der 2. belscher Divisioun hu sech den Aurélien Joachim an den Tim Hall mat Lierse SK e Freideg 1:4 beim Cercle Brügge musse geschloe ginn. De Cercle war séier 2:0 vir (6. a 17. Minutt), an der 61. war et dunn den 2:1, ma zum Schluss huet just nach de Cercle getraff (73. an 82. Minutt). Den Aurélien Joachim war an der Startformatioun, den Tim Hall souz op der Bänk.

An der "Eerste Divisi" an Holland stoung de Gerson Rodrigues net am Kader vun Telstar. Seng Equipe ka sech awer kloer 4:1 géint Eindhoven behaapten.

E Sonndeg verléiert Metz mat 1:3 géint Monaco. De Jorge, de Ghezzal an de Rony Lopes hu fir Monaco getraff. Bei de Gäscht vu Metz huet den Niane markéiert. De Vahid Selimovic stoung 90 Minutte laang um Terrain, de Chris Philipps ass net agewiesselt ginn an de Vincent Thill stoung op een Neits net am Kader.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.