Lëtzebuerger Futtballer am AuslandDefaite fir Laurent Jans mat Waasland-Beveren

Um 28. Spilldag an der Jupiler League verléiert Waasland-Beveren mat 1:2 géint La Gantoise.

© pressphoto (Archiv)
De Jeff Saibene a seng Equipe Arminia Bielefeld haten e Freiden kee gudden Owend erwëscht. Loung een am Ufank vum Match nach a Féierung, huet een no 90 Minutte mat 2:3 géint Dynamo Dresden verluer.

An der 28. Minutt ass d'Arminia Bielefeld duerch den Hartherz 1:0 a Féierung gaangen. No der Paus konnt de Koné an der 48. Minutt fir Dynamo Dresden ausgläichen. An der 64. Minutt huet de Röser d'Gäscht dunn a Féierung bruecht. Eng Véierelstonn viru Schluss ass der Arminia den 2:2-Ausgläich gelongen. Um Enn sollt et awer net fir ee Punkt duergoen, well de Röser an der 79. Minutt nach den 3:2 fir Dresden markéiert huet.

Fir de Jeff Saibene gouf et domadder um 24. Spilldag keng Punkten. An der provisorescher Tabell steet Bielefeld mat 34 Punkten op der 6. Plaz an der Tabell.  




Um 28. Spilldag an der Jupiler League verléiert Waasland-Beveren mat 1:2 géint La Gantoise. De Laurent Jans stoung bal 90 Minutten um Terrain a gouf an der 89. Minutt ausgewiesselt. 

An der Ligue 1 a Frankräich huet den FC Metz e Samschdeg Owend 2:2 gläich gespillt géint Guingamp. De Vahid Selimovic koum iwwer 90 Minutten zum Asaz. Lille huet mat 1:2 géint Angers verluer.

An der Ligue 2 a Frankräich huet Bourg-Péronnas auswäerts géint Le Havre 0:0 gläich gespillt. De Christopher Martins huet déi 90 Minutten duerchgespillt. De Veräin vum Lëtzebuerger bleift op der Relegatiounsplaz an der Tabell.

An der Jupiler League koum Mechelen an der Partie géint Charleroi net iwwert en 1:1 eraus. De Anthony Moris koum awer net zum Asaz.

An der schwedescher Liga huet sech Norköpping mat 3:2 géint Tvaakers duerchgesat, mee de Lars Gerson huet awer net gespillt.

An ddr polnescher Liga hunn sech Cracovia a Legia Varsovie 0:0 getrennt. De Chris Philipps koum fir säin Club Legia Varsovie net zum Asaz, well hien nach ëmmer blesséiert feelt. 

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.