Lewandowski bei Real?Madrid dementéiert Lewandowski-Interessi

Déi spuenesch Zeitung "El mundo deportivo" hat um Samschdeg geschriwwen, et géif en Accord de principe ginn tëscht dem Stiermer an dem Club vu Madrid.

D'Bild-Zeitung hat d'Info opgegraff, preziséiert awer, datt fir esou e Mega-Wiessel vum Robert Lewandowski bei déi Kinneklech am Summer "just nach" den Okay vun de Münchener géing feelen ...

Also och wann "El mundo deportivo" vun engem "Principio de acuerdo entre Real Madrid y Lewandowski" schreift, schéngt et awer nach laang net kloer, ob et dann och wierklech zu deem Wiessel kënnt, ëmmerhin steet de polnesche Spiller bis Juni 2021 beim FCB ënner Kontrakt.

E Samschdeg am Nomëtteg huet dunn d'Zeitung "Münchner Merkur" geschriwwen, datt et tëscht de Beroder vum Lewandowski an de Verantwortleche vu Real Madrid nach guer kee Kontakt ginn hätt. De President vu Real Florentino Pérez soll dat dem Karl-Heinz Rummenigge e Samschdeg bestätegt hunn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.