VIDEO: Handball, TitelgruppKäerjeng klappt de Leader Bierchem mat 34:30

Am 2. Topmatch vum 5. Spilldag hunn nach d'Red Boys mat 33:28 géint Diddeleng gewonnen. Bierchem huet elo nach 1 Punkt Virsprong op Käerjeng an d'Red Boys.

© Serge Olmo
Bei den Häre stoungen um 5. Spilldag direkt zwee Topmatcher um Programm. Käerjeng wënnt hei mat 34:30 géint de Leader Bierchem an d'Red Boys behaapte sech mat 33:28 géint Diddeleng.

Käerjeng - Bierchem 34:30

Am Match tëscht dem Tabelleleader HC Bierchem an dem HB Käerjeng war et am Prinzip ee Match vun der leschter Chance fir d'Heemequipe vu Käerjeng. Genau mat där Mentalitéit ass d'Equipe dann och an de Match gaang a konnt sech bis an d'Paus eng Avance vu 5 Goler erausspillen. Och no der Paus huet Käerjeng richteg Gas ginn a konnt bis op aacht Goler fortzéien (26:18). Dunn ass de Leader awer erwächt an huet Gol fir Gol opgeholl. Ma méi no ewéi 3 Goler sollten déi Bierchemer awer net méi erukommen a sou setzt sech um Enn Käerjeng verdéngt mat 34 op 30 duerch.

Käerjeng klappt de Leader Bierchem mat 34:30 (18.03.2018)
Bierchem bleift trotz der Defaite un der Spëtzt vun der Tabell.


Esch - Péiteng 30:27

Tëscht Esch a Péiteng ass et dach méi enk hiergaang ewéi sech vill Léit dat erwaard haten. Mam Score vu 16 op 14 fir Esch si béid Equippen an d'Vestiaire gaang. An den zweeten 30 Minutten huet Esch de Match net méi aus der Hand ginn a wënnt mat 30:27 géint Péiteng.

Red Boys - Diddeleng 33:28

Wee sech tëscht Déifferdeng an Diddeleng ee spannende Match erwaard huet, ass ufanks emol ganz batter enttäuscht ginn, well Déifferdeng zu engem Moment esouguer 14:9 vir loung. Bis d'Paus krut Diddeleng de Score dunn awer nach op 12:15 reduzéiert. No der Paus huet Diddeleng wuel probéiert de Match ze dréien, mee et ass hinnen net gelongen, de Match nach eng Kéier spannend ze gestalten. No 60 Minutte geet Déifferdeng mat enger 33 op 28 Victoire vum Terrain.

LINK: Den Iwwerbléck vum Hären-Handball

Dammen: Museldall a Käerjeng wannen
Um 5. Spilldag vum Titelgrupp bei den Damme konnte sech de Museldall a Käerjeng duerchsetzen. Fir Dikrech gëtt et eng ganz knapp Victoire.

De Museldall klappt Schëffleng mat 26 op 10 a Käerjeng wënnt 29:26 zu Diddeleng. Dikrech iwwerdeems klappt de Standard ganz knapp mat 26 op 25.

D'Resultater an d'Tabell vun den Dammen op rtl.lu

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.