BasketConter verléiert géint de Kordall a muss an d'Nationale 2

Zanter e Samschdeg den Owend steet och fest, datt den AB Conter déi nächst Saison an der Nationale 2 wäert spillen.

Am Playdown bei den Hären ka sech de Racing däitlech mat 91:64 géint BC Mess duerchsetzen. Schonn no der éischter Halschent hat de Racing e Virsprong vu 14 Punkten a konnt déi Féierung nach weider ausbauen. Och Hiefenech koum ënnert d'Rieder a verléiert géint d'Residence däitlech mat 58:79. Och d'Arantia Fiels hat keng Problemer mam Telstar Hesper a wënnt mat 101:83.

An engem dann awer méi spannende Match gewannen d'Kordall Steelers zu Konter mat 108:99. Bei de Steelers war den Christopher Neal mat 39 Punkten, 7 Rebounds an 8 Assists beschte Mann um Terrain. No dëser Néierlag huet dem AB Conter keng Chance méi, fir an der héchster Spillklass ze bleiwen a muss esou de Wee an d'Nationale 2 untrieden.

Hiefenech stoung jo schonns méi laang als Ofsteiger fest. Déi nei Saison spillen d'Fiels an d'Kordall Steelers an der Total League.

Um Sonndeg sinn dann d'Suitte vun den Halleffinallen ëm de Championstitel.

Um 17 Auer kritt de Basket Esch Besuch vun der Amicale Steesel. An um 18 Auer spillen d'Musel Pikes géint d'Etzella. Esch an d’Etzella sinn jo jeeweils 1-0 a Féierung.

Béid Matcher gi live um Radio iwwerdroen an d'Partie Esch géint Steesel kennt dir och bei eis am Livestream suivéieren.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.