Tennis Fed CupFLT kritt et mat Bosnien, Norwegen an Israel ze dinn

Bei der Auslousung vum Fed Cup an der Grupp II Europa/Afrika, krut Lëtzebuerg am Pool B Bosnien, Norwegen an Israel zougeloust.

No den Hären am Tennis Davis Cup ass et elo un de Lëtzebuerger Dammen am Fed Cup am Europa-Afrika Grupp 2.

Um Dënschdeg den Moie war zu Athen d'Auslousung vun de Gruppen. Mandy Minella a Co. kréien et vun e Mëttwoch u mat Bosnien, Norwegen an Israel ze dinn.

An deem anere Grupp an där Divisioun si Griichenland, Dänemark an Ägypten.


Fir den Opstig an d'Grupp I spille jeeweils déi zwou éischt-placéiert Ekippen vun all Pool (A1 vs B2 an A2 vs B1) géinteneen an ermëttelen déi 2 Opsteiger.

De Leschten aus der Pool B steigt direkt of a den 2. Ofsteiger gëtt dann tëscht de jeeweils drëtt-placéierten Ekippen aus all Pool (A3 vs B3) ermëttelt.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.