VIDEO a FOTOEN: HärebasketSteesel wënnt géint de Basket Esch an steet domat an der Finall

An der 4. Halleffinall wënnt Steesel ouni Problem mat 102:72 an trëfft elo an der Finall op Ettelbréck.

Béid Ekippen haten ganz nervös ugefaang. Esch konnt sech awer mat engem 13:0-Laf eng liicht Avance erauspillen a loung nom 1. Véierel mat 25:19 a Féierung. Duerno huet Steesel dunn awer ëmmer besser an de Match fonnt a konnt de Réckstand lues a lues verkierzen. Steesel huet schon wéi an der Partie virdrun d'Schëss getraff, war staark am Rebound an huet de Ball gutt dréien gelooss. Esch huet probéiert drun ze bleiwen, loung an der Paus awer mat 47:52 hannen. 

Nom Säitewiessel koum Esch dunn ferm ënnert d'Rieder. Steesel huet de Match vun der Dräierlinn dominéiert a konnt seng Avance weider ausbauen. Déi Escher hunn am 3. Véierel nëmmen 12 Punkten markéiert. Nom drëtte Véierel loung Steesel mat 80:59 a Féierung an domat war och schon eng Virentscheedung gefall. Am leschte Véierel sollt sech net méi vill um Verlaf vum Match änneren. Esch hat sech geschloen ginn a verléiert um Enn mat 72:102. Steesel trëfft elo an der Finall op d'Etzella.

Steesel wënnt géint de Basket Esch an steet an der Finall (22.04.2018)
An der 4. Halleffinall wënnt Steesel ouni Problem mat 102:72 an trëfft elo an der Finall op Ettelbréck.