VIDEO: Spillfest vum COSLGrouss a Kleng haten nees hire Spaass op der Kockelscheier

Zanter iwwer 30 Joer organiséiert de Lëtzebuerger Olympesche Comité op Christi Himmelfahrt d'Spillfest op der Kockelscheier.

Spaass fir Grouss a Kleng um Spillfest vum COSL (10.05.2018)
Zanter iwwer 30 Joer organiséiert de Lëtzebuerger Olympesche Comité op Christi Himmelfahrt d'Spillfest op der Kockelscheier.
Beim Spillfest bidden déi verschidde Sportfederatiounen aus dem Land Atelieren un, fir de Familljen déi eenzel Sportaarte méi no ze bréngen.

Ronderëm de Séi op der Kockelscheier waren um Donneschdeg nees Grouss a Kleng sportlech aktiv. Bei knapp 40 Ateliere konnt een allméiglech Sportaarte kenneléieren a selwer ausprobéieren. Vun de Kampfsportaarten iwwert d’Turnen an d’Kloteren bis hin zu de klassesche Ballspiller. 

Ma wisou net och emol Feld-Sportaarten testen. Dëst Joer konnt ee fir d’éischte Kéier um Spillfest vum COSL Lacrosse ausprobéieren. Hei geet et drëms mat engem Schléier aus Holz oder mat engem Netz e Ball ze kontrolléieren, wat net sou einfach schéngt, mä de Spaass soll jo och am Virdergrond stoen. Sou och beim Rudderen, enger Aktivitéit, déi bis ewell just eng 100 Leit am Grand-Duché ausüben.

D'Leit konnte sech um Donneschdeg deemno e Bild maachen, wat d'Lëtzebuerger Sportfederatiounen alles ze bidden hunn.



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.