FLF: TestmatcherLuc Holtz gëtt Kader bekannt

Den 31. Mee spillt d'Futtball-Nationalekipp een Testmatch géint de Senegal a 5 Deeg drop géint Georgien.

Luc Holtz gëtt Kader bekannt (17.05.2018)
Den 31. Mee spillt d'Futtball-Nationalekipp een Test-Match géint de Senegal a 5 Deeg drop géint Georgien.

Den Nationaltrainer Luc Holtz huet den Donneschdeg de Moien de Kader bekannt gi fir déi zwee Rendez-vousen.

De Luc Holtz iwwer de Maxime Chanot



De Maxime Chanot ass net bei deenen 24 Mann derbäi. De Luc Holtz betount, dass de Maxime Chanot gäre komm wier, ma de Veräin vun New York huet hien net fräigestallt. D'Situatioun wier awer och déi, dass hie sech blesséiert huet an elo nees am Training wier. Do misst een elo ofwaarden, ob en de Weekend an den Asaz kënnt an dono kéint een dann nach eemol nei Gespréicher lancéieren, fir ze kucken, ob de Chanot net awer erofkommen a spille kann.

Déi zwee Test-Matcher sinn d'Generalprouf fir d'Nations League, déi am September ufänkt.

© René Pfeiffer / RTL Télé Lëtzebuerg

De Kader am Iwwerbléck
Gol: Youn Czekanowicz (La Gantoise/Belsch), Anthony Moris (Malines/Belsch), Ralph Schon (Stroossen)

Defense: Dirk Carlson (Grasshopper/Schwäiz), Laurent Jans (Waasland-Beveren/Belsch), Mathias Jänisch (Déifferdeng), Enes Mahmutovic (Middlesbrough/England), Kevin Malget (F91 Diddeleng), Marvin Martins (Jeunesse Esch), Jan Ostrowski (Frankfurt/Däitschland), Chris Philipps (Legia Warschau/Polen)

Mëttelfeld: Lars Gerson (Norrköping/Schweden), Christopher Martins (Bourg-Péronnas/Frankräich), Mario Mutsch (Nidderkuer), Leandro Barreiro (Mainz/Däitschland), Florian Bohnert (Schalke/Däitschland), Danel Sinani (F91 Diddeleng), Aldin Skenderovic (Elversberg/Däitschalnd), Olivier Thill (Nidderkuer), Vincent Thill (Metz/Frankräich)

Stuerm: David Turpel (F91 Diddeleng), Aurélien Joachim (Lierse/Belsch), Dan da Mota (Racing), Gerson Rodrigues (Sheriff Tiraspol/Moldawien)

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.