Hymn (mat Ëmfro)Den offizielle Song vun der Futtball-WM 2018 gouf virgestallt

Déi offiziell Hymn fir d'Futtball-WM heescht "Live it up", gouf vum Diplo produzéiert, a gëtt vum Nicky Jam, Will Smith an dem Era Istrefi gesongen.

Dëse Freideg de Moie gouf d'Lidd op diverse Streaming-Plattforme wéi Spotify oder iTunes verëffentlecht. Och op Youtube fënnt een d'Lidd schonn.

Déi 3 Kënschtler wäerten d'Lidd de 15. Juli bei der WM-Final zesummen zum Beschte ginn. D'Fifa rechent dobäi mat 80'000 Zuschauer am Stadion a ronn 1 Milliard Zuschauer virun der Tëlee.

Vun elo un, an iwwert déi nächst Wochen a Méint, dierft een dat Lidd da méi dacks op Radio an Tëlee ze héiere kréien.

Ëmfro



Hymne bei de leschte Weltmeeschterschaften
Bei der leschter WM war d'Lidd "We Are One (Ole Ola) vum Pitbull an Jennifer Lopez d'offiziell Hymn.

We Are One


2010 huet d'Shakira d'Lidd "Waka Waka" gesongen.

Waka Waka


Bei der WM 2006 an Däitschland war den eigentleche WM-Song net wierklech erfollegräich, et ware méi d'Lidder vum Herbert Grönmeyer, "Zeit, dass sich was dreht" a "Love Generation" vum Bob Sinclair, déi polariséiert hunn.

Love Generation


Zeit, dass sich was dreht


Och am Joer 2002 waren et zwee Lidder, déi d'Leit mat der WM verbonnen hunn, zum enge war dat "Boom" vum Anastacia an och Vangelis hat eng Hymn erausbruecht.

Boom


Vangelis


1998 war et dunn um Ricky Martin, mat sengem Party-Song "La Copa de la Vida" huet hien d'Futtball-Fans animéiert.

La Copa de la Vida


Bei der WM 1994 hunn den Daryl Hall a Sounds of Blackness "Gloryland" gesongen.

Gloryland


Dat ofiziellt Lidd vun der WM 1990.

Un' estate Italiana vum Gianna Nannini & Edoardo Bennato


1990 war "World in Motion" ee groussen Hit a war den ofiziellen Titel vun der englescher Nationalekipp .

World in motion


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.