26. Editioun um HerchesfeldAll Informatiounen zu de Réiser Päerdsdeeg

Vum 14. bis 17. Juni sinn nees déi traditionell Réiser Päerdsdeeg.

Fotoe vum Freideg vum Roland Miny

Traditionell am Juni stinn zu Lëtzebuerg d’Réiser Päerdsdeeg am Sportskalenner. An och dëst Joer ass dat grousst nationaalt Reit-Evenement um Réiser Herchesfeld erëm op 2 Weekender terminéiert.

Den 2. Weekend vum 14. bis de 17. Juni ass et dann éischter déi national Reitsportzeen mat all hire Facetten, déi d’Organisateure wëlle promouvéieren. Lëtzebuerg an de Reitsport gëtt hei virgestallt an do soll e speziellen Akzent op Disciplinnen am Reide geluecht ginn, déi net esou bekannt sinn.

Réiser Päerdsdeeg (16.06.2018)
Den 2. Weekend vun de Réiser Päerdsdeeg bitt virun allem de Lëtzebuerger Sprangreider d’Méiglechkeet, Erfarung ze sammelen op engem Niveau CSI 1 an 2 Stären.


Fir Kanner fonctionnéieren all déi Deeg iwwer Atelieren a Spiller, eng Abberzuel vun Exposante presentéieren a verkafen hir Produiten, an Honger an Duscht brauch selbstverständlech keen ze leiden. An da gëtt et och nach e puer besonnesch Héichpunkten, wéi den Dan Rinaldis betount. Et gëtt eng Päerd-Show, wou d'Dressur un der Hand gemaach gëtt an den 8. Juni gëtt et e mexikaneschen Owend. 

D’Organisateure ronderëm den Dan Rinaldis hoffen natierlech op gutt Wieder an dass d'Leit d'Invitatioun op Réiser och dëst Joer nees unhuelen.

All Informatiounen zu de Réiser Päerdsdeeg mat de Live-Resultater fannt Dir och op der Säit vun jumping.lu.

FOTOGALERIEN: Iwwerbléck vun alle Galerië vun de leschte Joren