WM-PresentatiounGrupp G - Belsch oder England? Wee wënnt déi Grupp

Mir stellen Iech schonn déi ganz Woch déi verschidde Gruppe vir. Um Donneschdeg de Moien ass et um Grupp G mat der Belsch, England, Tunesien a Panama.

© RTL Grafik
D’Diables Rouges an d’Three Lions gëllen hei als kloer Favoritten.

WM Virschau Grupp G / Reportage Guy Seyler



Eis belsch Noperen zielen zu de Geheimfavoritten bei dëser WM. Viraussetzung ass, datt esou bekannt Spiller wéi de Bruyne, Lukaku an Hazard  hier Klass och um Terrain ëmsetzen. 

Wäit komme wëllen och d’Englänner. No dem blamable fréien Out bei der EM virun 2 Joer géint Island huet den neien Trainer Gareth Southgate d’Equipe ëmgekrempelt. Cahill a Vardy niewent Rashford, Sterling an Harry Kane deiten op eng gesond Mëschung tëschent jonk an al hin. Elo muss ee kucken, wéi an ob dat funktionéiert.

Mat der Belsch an England schéngen déi zwou éischt Plaze praktesch verginn. Tunesien soll een awer op kee Fall ënnerschätzen.

Da bleift als 4. Equipe an dësem Grupp G nach de kloren Outsider Panama .
D’Los Canaleros, wéi si och genannt ginn, liewen nach ëmmer an der Euphorie vun der 1. Participatioun un enger WM. Et ass wéi e Mäerchen, dat am Fong nëmme méiglech gouf duerch e Gol, dee kee war. 

Si spille fir hiert Land an och fir hire Coequipier Amilcar Henriquez. De 86-fachen Nationalspiller gouf virun engem Joer viru senger Hausdier erschoss.

WM-Presentatioun: Grupp A

WM-Presentatioun: Grupp B

WM-Presentatioun: Grupp C

WM-Presentatioun: Grupp D

WM-Presentatioun: Grupp E

WM-Presentatioun: Grupp F

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.