No der WeltmeeschterschaftJulen Lopetegui gëtt Trainer vu Real Madrid

De spueneschen Nationaltrainer Julen Lopetegui iwwerhëlt no der Weltmeeschterschaft a Russland de fräie Posten op der Trainerbänk zu Madrid.

© afp
De Lopetegui war scho bei de Kinneklechen engagéiert. Am Joer 2006 war hien als Koordinator am Scoutingberäich vu Real Madrid aktiv. An der Saison 2008/2009 war hien Trainer vun der zweeter Ekipp vun de Madrilenen.

Dono souz hie bei der U-19, U-20 an U-21 vu Spuenien op der Trainerbänk, ier hien 2014 bei den FC Porto gaangen ass, wou hie bis de 7. Januar 2016 op der Bänk souz.

Am Juli 2016 ass hien dunn Trainer vun der spuenescher Nationalekipp ginn. Als Trainer ass hie mat der spuenescher U-19 a mat der U-21 Europameeschter ginn.

Bei de Kinneklechen ënnerschreift hien ee Kontrakt vun 3 Joer.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.