Autocross a LitauenKevin Peters gëtt 2., Nico Reding gëtt 9.

Leschte Weekend war zu Vilkyciai a Litauen den drëtte Laf vun der Autocross Europameeschterschaft. De Kevin Peters stoung um Enn nees um Podium.

Hei waren och eng Partie Lëtzebuerger Piloten um Depart. Nom Qualifying louch den Nico Reding op Plaz 15 an de Kevin Peters op der 1. Plaz. Uschléissend ass et an d'Heats gaangen, wou béid Lëtzebuerger et gepackt hunn, fir d'Halleffinallen ze erreechen.

De Kevin Peters konnt seng Halleffinall souverän gewannen, iwwerdeems den Nico Reding mat technesche Problemer nëmmen op déi 9. Plaz koum an esou d'Finall verpasst huet. An der Finall koum de Kevin Peters dunn op déi gutt zweete Plaz an esou ginn et um Enn awer fir béid Lëtzebuerger Punkten en der Europamesschterschaftswäertung.

© Dirk Meister

Net sou gutt gelaf ass et fir de Max Schanen an der selwechter Buggy 1600er Klass. Am 1. Laf gouf hien de 4ten a senger Grupp. Am 2. Laf gouf hien dunn an e Crash verwéckelt an hien huet mussen opginn.

An der Juniorbuggy-Klass gouf de Bob Schanen am 1. Laf de 7ten. Am 2. Laf ass hie bei engem Iwwerhuelmanöver ofgeschoss ginn an e konnt net méi weider fueren. En ass um Enn awer nach den 8te ginn.



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.