Futtball-WMFIFA-President schwätzt vu beschter WM vun allen Zäiten

De President vun der FIFA Gianni Infantino huet d'Weltmeeschterschaft a Russland als déi bescht WM an der Geschicht vum Futtball bezeechent.

© AFP
Zanter e puer Jor hätt hie gesot, dat hei géif déi bescht Weltmeeschterschaft ginn. Haut kéint hie mat Iwwerzeegung soen, datt dat sou ass, sou den Infantino op enger Pressekonferenz e Freideg zu Moskau. De FIFA-President huet net nëmmen déi sportlech Akteuren, ma och den Organisateur gelueft an huet hinne Merci gesot, der russescher Regierung, dem President Putin a jidderengem, dee sech abruecht huet.

E Sonndeg geet d'WM mat der Finall Frankräich-Kroatien am Luschniki-Stadion zu Moskau op en Enn. D'Kroate stëmme sech e Freideg mat engem Training do op de leschte Match an. D'Fransousen trainéieren hirersäits och zu Moskau hannert zouenen Dieren.

Arbiter an der Finall e Sonndeg ass den Argentinier Nestor Pintana, dee schonn den Ouverturesmatch gepaff huet.

D'Partie ëm déi 3. Plaz tëscht der Belsch an England ass scho fir e Samschdeg zu Sankt Petersburg programméiert.

Football Weltmeeschterschaft






Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.