WimbledonDjokovic klappt Nadal a 5 Sätz a steet an der Finall

Géigner an der Finall ass den Kevin Anderson. Hien hat sech um Freideg no iwwer 6 Stonne a 5 Sätz géint den John Isner behaapt.

© afp
Nodeems d'Halleffinall tëscht dem Novak Djokovic an dem Rafael Nadal e Freideg den Owend hat missen ënnerbrach ginn, well et ze spéit war, ass et um Samschdeg beim Stand vun 2:1 an de Sätz fir den Djokovic (6-4, 3-6, 7-6) weider gaangen.

Béid Spiller hu sech um Samschdeg eng ganz spannend Partie geliwwert. Am 4. Saz loung de Rafael Nadal mat 3:0 vir, éier den Djokovic op 3:3 ausgläiche konnt. Um Enn geet de 4. Saz awer mat 6:3 un de Spuenier an domat goung et an den décisive 5. Saz.

Hei hun déi zwee Spiller hiert Opschlagspill bis zum Stand vun 9:8 duerchbruecht, éier dem Djokovic ee Break gelongen ass. De Serb gewënnt domadder de leschte Saz mat 10:8 an domadder och de Match. An der Finall kritt den Djokovic et e Sonndeg mam Kevin Anderson ze dinn.

Anderson no 5-Saz-Victoire an der Finall
6 Stonnen a 35 Minutten, esou laang wéi nach keng aner Halleffinall virdrun, huet d'Partie e Freideg gedauert, du hat den Anderson sech duerchgesat: 7:6, 6:7, 6:7, 6:4 a 26:24.

Domat ass dee Match deen zweetlängsten an der Geschicht vu Wimbledon.

Bis elo war deen zweetlängste Match bei de Simpelen d'Partie Marin Cilic - Sam Querry am Joer 2012, wou den Cilic sech am 3. Tour no 5 Stonnen an 31 Minutte mat 17:15 am 5. Sat behaapte konnt.

De Rekordmatch schlechthin ass jo nach ëmmer den Duell John Isner - Nicolas Mahut, deen 2010 am éischten Tour ganzer 11 Stonnen a 5 Minutte gedauert huet a sech iwwer 3 Deeg gezunn huet: 70-68 war de 5. Set ausgaangen.

Den John Isner


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.