Top 18Liichtathletik a Schwammen: D'Lëtzebuerger Rekorder

En Dënschdeg den Owend huet de Bob Bertemes en neie Lëtzebuerger Rekord am Bommstoussen opgestallt. Mir kucken eis e puer Lëtzebuerger Rekorder emol un.

© RTL Grafik
Liichtathletik
Bommstoussen
Männer:
De 7. August 2018 huet de Bob Bertemes op der Liichtathletik-EM zu Berlin de Lëtzebuerger Rekord op 21 Meter erhéicht. Do feelen dem Lëtzebuerger nach 2,12 Meter, fir kënnen en neie Weltrekord opzestellen. Dee läit zanter 1990 beim Randy Barnes aus den USA.

Fraen:
14,41 Meter huet d'Stéphanie Krumlosvsky 2014 d'Bomm gehäit an esou en neien nationale Rekord opgestallt. 22,63 Meter ass de Weltrekord vum Natalja Lissowskaja aus der Sowjetunioun.

100 Meter
Männer:
Iwwert 100 Meter fënnt een direkt zwee national Rekorder, eng Kéier vum Roland Bomberdella aus dem Joer 1978 an 2006 vum Daniel Abenzoar, déi béid 10.41 Sekonne fir déi Streck gebraucht hunn. De séierste Mann vun der Welt Usain Bolt huet déi 100 Meter an enger Zäit vun 9,58 Sekonnen hannert sech bruecht.

Fraen:
D'Patrizia van der Weken huet fir dës Distanz 11,59 Sekonne gebraucht, dat am Juni vun dësem Joer. 10,49 Sekonnen dogéint huet d'Florence Griffith-Joyner aus den USA 1988 fir dës Distanz gebrauch.

© Twitter FLA


200 Meter
Männer:
1977 huet de Roland Bombardella fir 200 Meter 20,77 Sekonne gebraucht an huet zanterhier de Lëtzebuerger Rekord. Och déi 200 Meter si fir de Usain Bolt, mat enger Zäit vun 19,19 Sekonnen.

Fraen:
Iwwert 200 Meter bei den Damme gouf de Rekord 2004 vum Mirjam Hess opgestallt, dat an enger Zäit vun 23,96 Sekonnen. Och aus dem Joer 1988 an och vum Florence Griffith-Joyner kënnt de Weltrekord am 200 Meter, dat mat 21,34 Sekonnen.

400 Meter
Männer:
47,4 Sekonnen huet 1969 den Emile Jung fir dës Streck gebraucht. De Weltrekord läit hei bei 43,03 Sekonnen, opgestallt vum Wayde van Nierkerk aus Südafrika am Joer 2016.

Fraen:
D'Frédérique Hansen huet 2013 54,05 Sekonne fir dës Distanz gebraucht an esou de Lëtzebuerger Rekord opgestallt. 47,60 Sekonnen, do läit de Weltrekrod. Opgestallt am Hoer 1985 vum Marita Koch aus der DDR.

800 Meter
Männer:
De Rekord vun den 800 Meter huet den David Fiegen 2006 opgestallt, datt mat enger Zäit vun 1:44,81. De Kenianer David Lekuta Rudisha huet 2012 fir d'800-Meter 1:40,19 gebraucht an esou den neie Weltrekord opgestallt.

© RTL (Archiv)


Fraen:
D'Charline Mathias huet am Juli 2018 déi 800 Meter an 2 Minutten an 35 Honnertstel hannert sech bruecht a war bis dohin déi séierste Lëtzebuerger Fra op där Distanz. 1983 huet d'Tschechin Jarmila Kratochvilova 1:52,29 fir dës Distanz gebraucht.

Marathon
Männer:
Am Marathon huet de Justin Gloden de Lëtzebuerger Rekord, dat mat enger Zäit vun 2 Stonnen 14 Minutten an 3 Sekonnen, déi hien 1985 opgestallt huet. 2 Stonnen, 2 Minutten a 57 Sekonnen huet den Dennis Kipruto Kimetto aus dem Kenia fir de Marathon vu Berlin gebraucht an esou 2014 dofir en neie Weltrekord opgestallt.

Fraen:
2 Stonnen, 29 Minutten an 23 Sekonnen, datt ass d'Zäit vum Lëtzebuerger Rekord am Marathon, opgestallt 1988 vum Danièle Kaber. De Weltrekord huet d'Mary Keitany aus dem Kenai 2017 zu London opgestallt, dat mat enger Zäit vun 2 Stonnen, 17 Minutten an enger Sekonn.

Wäitsprong
Männer:
Am Wäitsprong läit de Rekord bei 7,58 Meter, opgestallt vum François Grailet am Joer 2017. De Weltrekord kënnt aus dem Joer 1991, opgestallt vum Mike Powell (8,95 Meter).

Fraen:
6 Meter an 1 Zentimeter huet 2000 Claudia Czerwonka gesprongen an esou de Lëtzebuerger Rekord opgestallt. De Weltrekord kënnt aus der Sowjetunioun, opgestallt am Joer 1988 vum Galina Tschistjakowa, mat enger Wäit vun 7.52 Meter.

Héichsprong
Männer:
1995 ass de Raymond Conezmius 2,22 Meter héich gesprongen an huet domadder de Lëtzebuerger Rekord opgestallt. De Kubaner Javier Sotomayor ass 1993 2,45 Meter héich gesprongen an huet zanter hier an där Disziplin de Weltrekord.

Fraen:
1,85 Meter kann d'Elodie Tshilumba héich sprangen an huet domadder am leschte Joer en neie Lëtzebuerger Rekord opgestallt. 2,09 Meter ass de Weltrekord vum Stefka Kostadinowa aus Bulgarien aus dem Joer 1987.

Den Iwwerbléck vun alle Resultater fannt dir op fla.lu. Déi rezent Rekorder goufen do nach net opgelëscht.




Schwammen


100 Meter Crawl
Männer:
Den Nationale Rekord läit bei 50.06 Sekonnen a gouf vum Julien Henx de 26. Juli 2017 zu Budapest opgestallt. De Weltrekord an dëser Disziplin  ass aus dem Juli 2009, wou de Brasilianer César Cielo Filho dës Distanz a 46,91 Sekonne geschwommen ass.

Fraen:
Bei den Damme läit dëse Rekord beim Julie Meynen, deen hat am August 2016 zu Rio opgestallt huet, mat 55.09 Sekonnen. De Weltrekord läit bei 51,71 Sekonnen, opgestallt vum Sarah Sjöström aus Schweden am Joer 2017.

200 Meter Crawl

Männer:
De 27 Juli 2009 huet de Raphaël Stacchiotti fir dës 200 Meter 1'49''61 gebraucht. Dobäi feelen him ganzer 7.61 Sekonnen, fir op de Weltrekord ze kommen. Dee gouf den Dag dono och op de Weltmeeschterschaften zu Roum vum Paul Biedermann aus Däitschland opgestallt.

Fraen:
Aus dem Abrëll vun dësem Joer ass dann de Rekord iwwer 200 Meter vum Monique Olivier opgestallt ginn, datt mat enger Zäit vun 2:01,87. De Weltrekord ass aus dem Joer 2009, opgestallt vun der Italienerin Frederica Pellegrini, dat mat enger Zäit vun 1:52,98.

100 Meter Réck

Männer:
56,33 Sekonnen huet de Jean François Schneiders am Mee 2013 fir dës Distanz gebraucht an domadder en neie Lëtzebuerger Rekord opgestallt. De Weltrekord läit hei bei 51,85 Sekonnen, opgestallt vum Amerikaner Ryan Murphy bei Olympia 2016.

Fraen:
1:02,97 huet d'Sarah Rolko fir dës Distanz 2009 zu Roum gebraucht an domadder den aktuelle Lëtzebuerger Rekord opgestallt. 58 Sekonne genau huet d'Kathleen Baker 2018 fir dës Distanz gebraucht.



200 Meter Réck

Männer:
Gutt um Réck ass de Jean-François Schneiders, deen och de Rekord iwwert 200 Meter Réck hält. Den Dag virum Rekord iwwer 100 Meter huet de Lëtzebuerger fir dës Distanz 2'01''71 gebraucht. De Weltrekord huet e Schwëmmer aus den USA, den Aaron Perisol huet 2009 bei der WM an Italien dës Distanz an 1:51,92 opgestallt.

Fraen:
Nees 2009, nees d'Sarah Rolko, ma dëst d'Kéier zu Prag an enger Zäit vun 2:14,51.  Dat ass iwwert 10 Sekonne méi lues wéi de Weltrekord, deen d'Missy Franklin (2:04,06) aus den USA 2012 opgestallt huet.

100 Meter Brasse

Männer:
76 Honnertstel iwwert der Minutt huet de Laurent Carnol am August 2015 fir déi 100 Meter Brasse gebraucht. Den Adam Peaty aus Grossbritannien konnt bei der WM 2017 dës Distanz an 57,10 Sekonne schwammen.

Fraen:
De Lëtzebuerger Rekord bei den 100 Meter Brasse gouf 2010 vum Aurélie Waltzing opgestallt, dat an enger Zäit vun 1:13,58. D'Lilly King huet hei de Weltrekord, dee bei enger Minutt 4 Sekonnen an 13 Honnertstel opgestallt gouf.

200 Meter Brasse

Männer:
Am Januar 2012 huet de Laurent Carnol de Rekord bei dëser Disziplin opgestallt, dat mat 2:09,78. De Japaner Ippei Watanabe huet am Januar 2017 de Weltrekord iwwert 200 Meter Brasse bei 2:06,67 opgestallt.

Fraen:
Och iwwer 200 Meter Brasse huet d'Aurélie Waltzing de Lëtzebuerger Rekord, si huet am Januar 2011 fir dës Distanz ganzer 2 Minutten, 37 Sekonnen a 15 Honnertstel gebraucht. De Weltrekord vun 2:19,11 huet mam Rikke Moller Pedersen eng Dänin 2013 opgestallt.

100 Meter Papillion

Männer:
Nach net esou al ass dëse Lëtzebuerger Rekord. Am Mäerz vun dësem Joer huet de Julien Henx fir dës Distanz 54,29 gebraucht.Op der WM 2009 an Italien huet de Michael Phelps de Weltrekord op 49,82 Sekonne fixéiert.

Fraen:
Aus dem Joer 2009 datéiert de Rekord vum Christine Mailliet, dee bei 1:02,22 läit. Bei 55,48 Sekonne läit de Weltrekord, opgestallt vum Sarah Sjöström.

200 Meter Papillion

Männer:
Aus dem Mee 2017 datéiert de Rekord vum Raphaël Stacchiotti, deen 2:02,60 fir déi 200 Meter gebraucht huet. De Weltrekord dogéint gouf 2009 vum Michael Phelps opgestallt, dat mat 1:51,51.

Fraen:
2015 huet d'Monique Olivier fir dës Distanz an 2:18,81 hannert sech bruecht. Aus dem Joer 2016 kënnt dann de Weltrekord, 2:01,81, opgestallt vun der Chinesin Lui Zige.



200 Meter 4Nages

Männer:
Zu Rio 2016 huet de Raphaël Stacchiotti 2 Minutten an 21 Honnertstel fir 200 Meter 4Nages gebraucht. De Weltrekord dogéint läit bei genau enger Minutt a 54 Sekonnen, opgestallt 2011 op der WM a China vum Ryan Lochte.

Fraen:
2:21,70 huet d'Monique Olivier 2015 fir dës Disziplin gebraucht. Am 4Nages féiert am Moment näischt laanscht d'Ungarin Katinka Hosszu, déi bei 200 Meter 2:06,12 virgeluecht huet.

400 Meter 4Nages

Männer:
Bei 4 Minutten, 17 Sekonnen an 20 Honnertstel läit de Lëtzebuerger Rekord. Opgestallt huet de Raphaël Stacchiotti dësen 2012 zu London.  Bei Olympia 2008 huet de Michael Phelps fir dës Distanz 4:03,84 gebraucht.

Fraen:
Aus dem selwechte Joer a vun der selwechter Sportlerin wéi iwwert déi 200 Meter gouf dëse Rekord opgestallt, dat an enger Zäit vu 4 Minutten, 56 Sekonnen an 99 Honnertstel. Huet si de Weltrekord 2015 bei den 200 Meter opgestallt, war et 2016 bei de 400 Meter, datt an enger Zäit vu 4 Minutten, 26 Sekonnen a 36 Honnertstel.

Déi ganz Lëschte vun de Männer an de Frae fannt dir op flns.lu

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.