F91 Diddeleng - Legia WarschauTickete fir de Retourmatch just am Virverkaf

Den Donneschdeg, also den Dag vum Match selwer, bleiwen d'Keese vum Stade Josy Barthel zou!

Den F91 Diddeleng informéiert e Freideg de Mëtteg, dass wéinst Sécherheetsmesurë beim Europa-League-Qualifikatiounsmatch géint Legia Warschau d'Keese beim Stadion zou bleiwen.

Tickete fir de Match kritt een nëmmen am Virverkaf:

- um Büro vum F91 nieft der Diddelenger Gemeng, e Samschdeg, den 11. an en Dënschdeg, den 14. August vun 9.30 bis 11.30 Auer - an e Méindeg an der Paus vum Match F91 Diddeleng géint den FC Déifferdeng 03.

Reservatioune kënnen ënnert der E-Mail birtzm@pt.lu gemaach ginn.

En Donneschdeg hat den F91 sech jo mat 2:1 zu Warschau géint Legia behaapt.

De Retourmatch ass en Donneschdeg, 16. August um 20 Auer am Stade Josy Barthel.