Lëtzebuerger am AuslandSaibene wënnt mat Bielefeld, Rodrigues trëfft fir Tiraspol

An der Ligue 2 gouf um Samschdeg den 3. Spilldag mat enger Victoire vu Metz géint Clermont ofgeronnt.

© afp (Archiv)
An der 2. Däitscher Bundesliga gewënnt de Jeff Saibene mat der Arminia vu Bielefeld mat 2:1 géint Dynamo Dresden. D'Goler hunn den Edmundsson an de Klos schonn an der éischter Halschent geschoss. Domadder huet Bielefeld elo 4 Punkten aus den éischten 2 Matcher geholl.

Nodeems Metz no 59 Minutten mat 0:2 am Réckstand war konnten se an den 30 Minutten dono de Match awer nach dréinen a gewannen duerch e Gol vum Boulaya an der 88. Minutt mat 3:2. Déi aner zwee Goler goufe vum Niane an Diallo geschoss. De Laurent Jans gouf an der 83. Minutt fir de Rivierez agewiesselt.

© afp


Lyon konnt sech e Sonndeg mat 2:0 géint Amiens duerchsetzen. Den Traoré an der 24. Minutt an den Depay an der 75. Minutt hunn d'Goler geschoss. De Christopher Martins souz 90 Minutte laang op der Bänk.

Legia Warschau konnt e Sonndeg eng 3:1-Victoire feieren, dat géint Gliwice. D'Goler fir de polnesche Champion hunn den Jedrzejczyk, de Kante an den Nagy geschoss. De Lëtzebuerger Chris Philipps ass awer net agewiesselt ginn.

A Moldawien, wou ewell de 16. Spilldag gespillt gouf, konnt Sheriff Tiraspol sech mat 2:0 géint Speranta Nisporeni duerchsetzen. De Gerson Rodrigues huet an der 52. Minutt den 2:0 fir seng Faarwe geschoss. An der Tabell ass Tiraspol virop mat 36 Punkten.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.